محەمەدێ حاجی مەحمود: بڕیارێن دادگەها فیدڕالی د نە شەرعینە

سەرۆکێ پارتا سۆسیال دیموکراتا کوردستانێ دەربارەی بڕیارێن دادگەها فیدڕالی ل دوور درێژکرنا دەمێ یاسایی یێ پەرلەمانێ کوردستانێ ڕاگەهاند، دادگەها فیدڕالی دادگەهەکا سیاسی عەرەبی شوڤینییە و هەمی بڕیارێن وێ د نە شەرعینە.

 محەمەدێ حاجی مەحموود، سەرۆکێ پارتا سۆسیالیست دیموکراتی کوردستان د راگەهاندنەکێدا ل بن ناڤونیشانێ”دادگەها فیدراڵی ئەجێندایێ سەرانێن دەڤەرا کەسک بجهدئینیت” ئاماژە کریە، “ئەڤرۆ بۆ جارەکا دی و د بڕیارەکا نە چاڤەڕێکریدا، دادگەها فیدراڵی ھەر وەکی گشت بڕیارێن نە دادپەروەرانە یێن کو ب سەر هەرێما کوردستانێ دا سەپاندین، بڕیاردا کو، درێژکرنا تەمەنێ پەرلەمانێ کوردستانێ یێ دەستووری نینە.

د ڕاگەهاندنێ دا هاتیە ژی،”بڕیارێن وێ دادگەهێ ب هەمی ڤە د نە شەرعینە، ل پێشتر ژی چەندین جاران مە ئاماژە دایە کو ئە دادگەهە یا سیاسی یا عەرەبی و شوڤینیە، د هەمان دەمدا ل قۆناغا دەمکی یا ئیدارەدانا دەولەتا عیراقێدا و لسەر دەمێ برێمەری و د ڕەوشەکا نە ئارام یا کتوپڕدا هاتیە پێکئینان.”