<h3 style="text-align: justify;"><span style="font-size: 18pt;">راهێنهرێ یانهیا پاریس سانجێرمان یا فرهنسى كریستۆف گالتییێ چوونا ستێرا ئهرجهنتینى لیونێل مێسى ژ یانهیێ ل دووماهییا ڤى وهرزى راگههاند.</span></h3> <h3 style="text-align: justify;"><span style="font-size: 18pt;">گالتییێ د پرێسكۆنفرانسهكیدا دیاركر، شانازییهكا مهزنه بۆ وى راهێنهرییا باشترین یاریكهرێ مێژویا فوتبۆلێ كرى و گوت : یارییا پاریس سانجێرمان بهرامبهر كلیرمۆن ل شهمبییا بهێت، دێ بیته دووماهى یارییا مێسى ل یاریگهها پارك دى پرێنس، هیڤییا وى ئهوه ب باشترین شێوه پێشوازى لێ بهێتهكرن.</span></h3> <h3 style="text-align: justify;"><span style="font-size: 18pt;">زێدهتر گالتییێ ئاشكراكر، لیو ب درێژاهییا وهرزى فاكتهرهكێ گرنگ و چالاك بوو، ئهو رهخنهیێن لێ هاتینه گرتن د بێ بنهمابوون، ئهڤ وهرزه یێ تایبهت بوون ژبهركو مۆندیال ل نیڤا وهرزى هاته كرن، دگهل هندێ 21 گۆل تۆماركرن و 20 ئهسیست ههبوون و ئهڤهژى شوون تبلێن وى د تیمێدا دیاردكهت، بۆ وى شانازییهكا مهزنه ب درێژاهییا ڤى وهرزى راهێنهرییا مێسى كرى.</span></h3> <h3 style="text-align: justify;"><span style="font-size: 18pt;">دهێتهزانین مێسى یێ 35 سالى ل هاڤینا سالا 2021ێ ب ههڤبهستهكا ئازاد پهیوهندى ب پاریس سانجێرمانێ كربوو، ههڤبهستا وى دگهل یانهیا پایتهختى دێ ل 30ى ڤێ ههیڤێ ب دووماهى هێت.</span></h3>
