ئاژانسا خانی” زنار تۆڤی:
دلڤین زۆبێر نهجمان” بهرپرسا تیما (ئێف ئار تی) ل دهۆكێ بۆ ئاژانسا خانی گۆت: تیما بهرسڤدانا ئێكێ ( ئێف ئار تی)، تیما وهزارهتا ناڤخۆ یا ههرێما كوردستانێ یه” ل حهفتیا بوری مه 21 كهس ژ 21 رێڤهبهرییان ل پارێزگهها دهۆكێ” كو بهری نوكه ئهو كهسه ئهندامێن تیما ههماههنگییێ و بهرسڤدانا كارهساتێن سرۆشتی و قهیرانان بوون ل پارێزگهها دهۆكێ” پشكداری د وێ خۆلێ دا كرییه بۆ دهمێ حهفتییهكێ” ل سهنتهرێ راهێنانا ( سی ئێم تی ئای)” و بوونه راهێنهر د بیاڤێ بهرسڤدانا قهیرانان دا و بوونه وهلامدهرێن ئێكێ و ئهو كهسه دشێن راهێنانان نیشا خهلكی بدهن.
ناڤهاتییێ گۆت ژی: تیما وهلامدهرێ ئێكێ تیمهكا وهزارهتا ناڤخۆ یا حكومهتا ههرێمێ یه” ئهڤ تیمه دهێته برێڤه برن” ژ لایێ ناڤهندا ههڤپشك یا ههماههنگییا قهیرانان ل وهزارهتا ناڤخۆ ب پشتهڤانییا رێكخراوا (تی ئێچ دهبلیۆ) یا ئهلمانی” ئهڤ تیمه ل پاڕیزگهها دهۆكێ دهێته برێڤه برن ژ لایێ رێڤهبهرییا كۆچ و كۆچبهران و بهرسڤدانا قهیرانان ب سهرپهرشتییا رێڤهبهرێ گشتی پیر دهیان جهعفهر حهمۆیی.
ئهڤرۆ ئێكشهمبی 4 خزیرانا 2023 ێ” ب بهرههڤبوونا رێبهر ئهحمهد وهزیرێ ناڤخۆ یێ حكومهتا ههرێما كوردستانێ” جێگرێ وهزیرێ ناڤخۆ یێ ئهلمانییا و د، عهلی تهتهر پارێزگارێ دهۆكێ و ئۆمێد خۆشناو پارێزگارێ ههولێرێ” سهنتهرێ راهێنانا ب رهنگهكێ فهرمی ل ههولێرێ هاته ڤهكرن” كو تایبهته بۆ تیما ( ئیف ئار تی)” رێكخراوا ( تی ئیچ دهبلیۆ) یا ئهلمانی پشتهڤانییا ڤێ تیمێ دكهت” ل 29 گولانا 2023 ێ” 21 كهسان ژ تیما ههماههنگییا بهرسڤدانا كارهسات و قهیرانان ل پارێزگهها دهۆكێ” كو ب بریارا پارێزگارێ دهۆكێ هاتییه دامهزراندن” پشكداری د خولهكا وهلامدهرێ ئێكێ دا كرییه.
