<h3 style="text-align: justify;"><span style="font-size: 18pt;">كاپتنێ یانهیا ریال مهدرید كهریم بێنزیماى د ئاههنگهكا تایبهتدا خاترا خوه ژ پشتهڤانێن یانهیا شاهانه خواست، پشتى دهركهڤتنا خوه ژ سانتیاگۆ بێرنابیویێ راگههاندى.</span></h3> <h3 style="text-align: justify;"><span style="font-size: 18pt;">بێنزیماى 14 سال دگهل ریال مهدریدێ بووراندن و نوكه یێ نێزیكه پهیوهندییێ ب یانهیا ئیتیحاد یا سعودى بكهت.</span></h3> <h3 style="text-align: justify;"><span style="font-size: 18pt;">بێنزیماى د ئاههنگا خاتر خواستنێدا دیاركر، یا بزهحمهته دڤێ رهوشێدا باخڤیت، لێ وى دڤێت سوپاسییا ریال مهدریدێ و ههموو ههڤالێن خوه بكهت، كاروانهكێ سهركهڤتى بوو و یێ ب چهنس بوو خهونا خوه یا زارۆكینییێ كرییه راستى، ئهو چ جاران ریال مهدریدێ ژبیرناكهت.</span></h3> <h3 style="text-align: justify;"><span style="font-size: 18pt;">ههروهسا ئاشكراكر، ریال مهدرید باشترین یانهیا دیرۆكێ یه، لێ ب دیتنا وى دهم هات بچیت و چیرۆكهكا نوو ئاشكرابكهت.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، وى دڤییا كاروانێ خوه یێ فوتبۆلێ د ریال مهدریدێدا ب دووماهى بینیت، لێ هندهك جاران ژیان دهرفهتهكا دئینته پێش، ئهڤ بریاره گهلهكا بزهحمهت بوو وى و خێزان خوه وهرگرتى، لێ ئهو چ جاران ریال مهدریدێ ژبیرناكهت.</span></h3> <h3 style="text-align: justify;"><span style="font-size: 18pt;">دیار ژى كر: ههروهكى وى ل رۆژا خوه ئێكێ دگهل یانهیێ گوتى : بژیت مهدرید.</span></h3> <h3 style="text-align: justify;"><span style="font-size: 18pt;">ل دووماهییێ هێرشبهرێ فرهنسى سوپاسییا راهێنهرێ خوه یێ ئیتالى كارلۆ ئهنچیلۆتى كر و دیاركر، ئهو گهلهك ژێ فێربوویه و سوپاسییا وى كر بۆ ههر تشتهكێ پێشكێشى وى كر.</span></h3>
