د. ڤیان سه‌بری: ئه‌م درژدین ل سه‌ر هندێ كو رێككه‌فتنا دناڤبه‌را هه‌رێمێ و عیراقێ دا وه‌كو خۆ بهێته‌ بجهئینان

ئاژانسا خانی:

د. ڤیان سه‌بری” ” سەرۆکا فراکسیۆنا پارتی دیموكراتی كوردستان ل پەرلەمانێ عێراقێ، بۆ ئاژانسا خانی دیار كر: فراکسیۆنا پارتی ل په‌رله‌مانێ عیراقێ سازشێ ل سەر شایستێن دارایی یێن هەرێما کوردستانێ ناکه‌ت و هه‌روه‌سا ل رۆژا پێنجشه‌مبی په‌رله‌مانێ عیراقێ دێ كۆم بیت و ئه‌و كۆمبوونه‌ دێ ل دۆر په‌سه‌ندكرنا پرۆژه‌ قانوونا گشتی یا بودجه‌یێ عیراقێ بیت” دانوستاندنێن مه‌ ل گه‌ل لایه‌نێن عیراقی د ئه‌رێنی بوون و لێك نێزیك بوون و لێك تێگه‌هشتن دناڤبه‌را مه‌ و لایه‌نێن عیراقی دا هه‌یه‌” ئه‌م وه‌كو پارتی درژدین كو ئه‌و رێككه‌فتنا دناڤبه‌را هه‌رێمێ و عیراقێ دا وه‌كو خۆ بهێته‌ بجهئینان.

ناڤهاتییێ گۆت ژی” لده‌ف مه‌ یا گرنگ ئه‌وە مادێن 13 و 14 ێ یێن د پرۆژە قانوونا بودجەیێ دا لدووڤ رێککەفتنا هەرێمێ و عێراقێ بیت.