ئاسایشێ بکوژێ سێ ئەندامێن ئێک خێزان دەستەسەرکر

ڕاگەهاندنەک ژ ڕێڤەبەریا ئاسایشا هەولێرێ دەربارەی دەستەسەرکرنا بکوژێ سێ ئەندامێن ئێک خێزان ل تاخێ(سەرکارێز) یێ باژێڕێ هەولێرێ.

 دەقێ ڕاگەهاندنێ:

‎پشتی تیمێن مە ژ ڕێڤەبەریا ئاسایشا هەولێرێ هاتینە ئاگەهدارکرن کو حالەتەکێ کوشتنا سێ ئەندامێن ئێک خێزان دناڤ مالا خۆ دا هەیە کو پێکهاتینە ژ زەلامەک و هەڤژینا وی و زارۆکەکا کچ ب ناڤێن (عەبدوللا حەمەد شێخە، ٦٦سالی) و (فەهیم مەولود ڕەسول، ٥٣ سالی) و (سانا عەبدوللا حەمەد، ١١سال).

ئێکسەر ڤەکۆلینێ ژ لایێ تیمێن مەڤە دەستپێکر بۆ نیاسینا ناسناما بکەرێ ئەڤێ تاوانێ، د دەمەکێ کێم دا شیان ناسناما تۆمەتبارێ سەرەکی یێ ئەڤێ تاوانێ دیار بکەن کو ناڤێ وی (كه‌ریم كانەبی حەسەن)ئاکنجیێ هەمان تاخە و بەرەڤ جهەکێ نەدیار ڕەڤیبوو، پشتی ئاشکراکرنا ناسناما تاوانباری ب دەمەکێ کێم تیمێن مە شیان دەستەسەر بکەن.