فەرمانگەها میدیا و زانیاری یا حكومەتا هەرێما كوردستانێ ڕاگەهاند، جڤاتا وەزیران ب سەرپەرشتییا مەسرور بارزانی، سەرۆكوەزیرێن هەرێما كوردستانێ و قوباد تالەبانی، جێگێرێ سەرۆكوەزیران دێ كۆمبیت.
كۆمبوونا ئەڤرۆ دێ لدۆر ئەڤان بڕگەیێن خوارێ بیت:
بڕگا ئێكێ، بەرچاڤكرنا دووماهیك پێشهاتێن پڕۆژەیاسایا بودجەیێ عیراقا فیدرال بۆ سالێن 2023 – 2025، بابەتێ هنارتنا پەتڕۆلا هەرێما كوردستانێ.
بڕگا دووێ، داڕشتنا کۆدێ بیناسازی ل هەرێما کوردستانێ و ڕێنماییێن نوو یێن وەزارەتا باژێرڤانییێ بۆ پلانسازی و تۆمارکرنا ئەلكترۆنییا ملك و مالێ دەولەتێ ل هەرێما كوردستانێ.
بڕگا سێیێ، ب جهئینانا بڕیارا پێشتر یا جڤاتا وەزیران لدۆر دیاردەیا سیمكارتێن بێخۆدان، تڕۆمبێلێن تۆمارنەكری و چەكێ بێمۆلەت.
بڕگا چارێ، بابەتێ دەستنیشانکرنا ڕێكێن قەدەغەکری یێن گشتی ل دەرڤەی باژێران و بەرهەنگاربوون و نەهێلانا زێدەگاڤییان.
