نێچیرڤان بارزانی پێشوازى ل‌ بالیۆزێ ئازه‌ربايجان ‏كر

نێچيرڤان بارزانى، سه‌رۆكێ هه‌رێما ‏كوردستانێ ئەڤرۆ د دیدارەكێدا دگەل نه‌سير مه‌مه‌دۆف، بالیۆزێ ‏ئازه‌ربايجانێ ل‌ عیراقێ پێشڤەبرنا پەیوەندییێن عیراق و هەرێما كوردستانێ دگەل ئازه‌ربايجانێ گۆتۆبێژكرن.
هه‌ردوولا د هەڤڕا بوون كو ده‌رفه‌تا باش هه‌یە بۆ پێشڤەبرنا په‌يوه‌ندييان ‏ب ‌تايبه‌تى د بوارێ ئابوورى، بازرگانى و گه‌شتياريدا.
هەروەسا د دیدارێدا باس ل ده‌ستپێكرنا پرۆسا ڤەكرنا كونسۆلخانەیا ئازه‌ربايجانێ ل هه‌رێما كوردستانێ ‏و ڕێكارێن‌ پێدڤی كر كو‌ پێشتر د كۆمبوونەكێدا سه‌رۆكێ هه‌رێما كوردستانێ و سه‌رۆكێ ئازەربايجانێ ل‌ ميونشن بڕيار دابوو.‏