<h3 style="text-align: justify;"><span style="font-size: 18pt;">كۆمبوونا ههڤپهیمانییا ئیدارهیا دهولهتێ ل بهغدا ل دۆر ههردوو ماددهیێن 13 و 14 یێن پرۆژهقانوونا بودجهیا عیراقێ كو تایبهتن ب پشكا ههرێما كوردستانێ ب دووماهى هات، پهرلهمانتارهك ژى دبێژیت: ئهو پێشبینى دكهن سوبههى پرۆژه قانوونا بودجهى بهێته پهسهندكرن.</span></h3> <h3 style="text-align: justify;"><span style="font-size: 18pt;">چیاى تهیمور ئهندامێ جڤاتا نوونهرێن عیراقێ ل سهر فراكسیۆنا پارتى دیمۆكراتى كوردستان بۆ ئاژانسا خانى راگههاند، كۆمبوونا ئهڤرۆ بۆ هندێ هاتهكرن داكو سوبههى كۆمبوونا جڤاتا نوونهران ل دۆر پهسهندكرنا پرۆژهقانوونا بودجهى بێى ئاریشه بهێته برێڤهبرن، گههشتنا لایهنان ب رێككهڤتنێ و پهسهندكرنا بودجهى دبهرژهوهندییا ههموویاندایه.</span></h3> <h3 style="text-align: justify;"><span style="font-size: 18pt;">زێدهتر گوت: ئهگهر ههتا سوبههى چ تشتێ نهچاڤهرێكرى روو نهدهت كو هندهك جاران ل دهمێن دووماهییێ بوچوونێن نوو پهیدا دبن و هندهك پهرلهمانتار پێگیرییێ ب ئاراستهیێ حزبێن خوه ناكهن، ئهو دگهشبینن بودجه بهێته پهسهندكرن، ئاماژه ب هندێ دا ئهڤ رێككهڤتنه بۆ ههرێما كوردستانێ گهلهك یا گرنگه، ژبهركو دبیت ههرێم ژ عیراقێ پتر پێدڤى ب پهسهندكرنا بودجهی بیت، داكو مووچهیێ فهرمانبهران پێ دابین بكهت و ئهو پرۆژهیێن هاتینه راوهستاندن دووباره دهست بجهئینانا وان بهێتهكرن، هندهك پرۆژهیێن نووژى بهێنه بجهئینان.</span></h3> <h3 style="text-align: justify;"><span style="font-size: 18pt;">ههروهسا چیایى تهیمورى ل دۆر پشكا ههرێما كوردستانێ دبودجهیدا ئاشكراكر، چ دهستكارى و گوهۆرین د پشكا ههرێمێدا ناهێنهكرن، ئهو ئاستهنگێن بۆ پهسهندكرنا بودجهی پهیدابووین، ب تنێ بۆ هندێ بوون ههیبهتا كوردستانێ بهێته شكاندن و دهستههلاتێن وێ بهێنه كێمكرن، و ئهڤ چهنده ژلایێ هندهك لایهنێن كوردڤه هاتبوو كرن، ئهگهر ئهو لایهنه نهبان، عهرهبان چ وێرهكى نهدبوو دهستكارییێ بكهن، لێ ههر چهوا بیت ئهو دگهشبینن رێككهڤتنا دووماهییێ بهێتهكرن و سوبههى بودجه بهێته پهسهندكرن.</span></h3>
