فڕاکسیۆنا پارتی: ئەم ل دژی لادانا خالا دانا پاشکەفتێ مووچەینە ژ ڕەشنڤیسێ بودجێ

خالد ڕێکانی، ئەندامێ جڤاتا نوونەرێن عیراقێ ژ  فڕاکسیۆنا پارتی دیموکراتی کوردستان بۆ ئاژانسا خانی ڕاگەهاند، ئەم وەک فڕاکسیۆنا پارتی ل دژی لادانا خالا دانا پاشکەفتێ مووچەیینە.

ئاماژە کر ژی، فڕاکسیۆنا پارتی ل پەرلەمانێ عیراقێ پێداگیرییێ ل سەر دانا پاشکەفتێ مووچەیێ فەرمانبەرێن هەرێما کوردستانێ دکەت وپێشتر ژی ب نڤیسارا فەرمی داخواز کریە کو دانا پاشکەفتێ مووچەییێ فەرمانبەرێن هەرێما کوردستانێ ب ڕێژا 40% د ڕەشنڤیسێ بودجەیا گشتی دا بهێتە بنەجهکرن و پارە ژی بۆ بهێتە مەزاختن.

خالد ڕێکانی گۆتژی:”ئەم د ڕازی نینین ژ بڕیارا لژنا دارایی و دێ مە هەلویستێ خۆ ل سەر ئەڤێ بڕیارا نە دادپەروەرانە یا ل دژی مافێن خەلکێ هەرێما کوردستانێ هەبیت.”