<h3 style="text-align: justify;"><span style="font-size: 18pt;">ئهندامهكێ جڤاتا نوونهرێن عیراقێ راگههاند، رۆژانه ئاریشه و ئاستهنگێن نوو دكهڤنه درێكا پهسهندكرنا پرۆژهقانوونا بودجهیدا، ههتا نوكه یا دیار نینه كۆمبوونا بهێت دێ كهنگى هێتهكرن.</span></h3> <h3 style="text-align: justify;"><span style="font-size: 18pt;">چیایى تهیمور ئهندامێ جڤاتا نوونهرێن عیراقێ بۆ ئاژانسا خانى دیاركر، رۆژانه ئاریشهیهك بۆ پهسهندكرنا بودجهى پهیدا دبیت، دووماهیك ئاریشه ژى خهرجییێن دهرخستنا نهفتێ نه، لایهنێن ڤان ئاستهنگان پهیدا دكهن ژ دوو ئهگهران پهیدا دكهن، یان نهشێن كونترۆلێ ل سهر ئهندامێن خوه بكهن، یانژى ئهڤه یارییهكه دكهن، داكو بهایێ كوردستانێ كێم بكهن، هندهك لایهن ژى ڤان ئاریشهیان پهیدا دكهن داكو حكومهتا محهمهد شیاع سوودانى یا سهركهڤتى نهبیت، ژبهركو ئهگهر حكومهتا سوودانى سهركهڤتن ئینا، دههلبژارتنێن بهێن دا دێ كورسییێن وى زێدهبن و بیته ژمارهكا بهێز دناڤ حزبێن شیعیدا.</span></h3> <h3 style="text-align: justify;"><span style="font-size: 18pt;">ههروهسا گوت: ژڤانه ئهڤرۆ كۆمبوونهك دگهل د. فوئاد حسێن وهزیرێ دهرڤه یێ عیراقێ بهێتهكرن، لێ ههتا نوكه ژڤانێ وی نههاتییه دهستنیشانكرن، ههروهسا یا دیار نینه كۆمبوونا جڤاتا نوونهران ژى دێ ل چ دهم هێتهكرن، ژبهركو رێژهیهكا كێم یا پهرلهمانتاران بهرههڤبوویه، ههتا رێككهڤتنا سیاسى نههێتهكرن، كۆمبوونا جڤاتا نوونهران ناهێتهكرن.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ژبلى ماددهیێن بودجهى یێن گرێداى ههرێما كوردستانێ، ناكوكى ل سهر گهلهك ماددهیێن دى ژى ههنه، وهكو ئهو پارهیێ بۆ پارێزگههان هاتییه تهرخانكرن، كو هندهك پارێزگههـ دبێژن پشكا وان یا كێمه و ل سهر وى پارهى درازى نینن، ب تایبهتى پارێزگههێن باشوورێ عیراقێ كو رێژهیا ههژارییێ ل وان پارێزگههان ژ پارێزگههێن دهڤهرێن دى زێدهتره، ههروهسا دڤێت پارهیێ گهشپێدانا ههرێمان بهێته زێدهكرن و حكومهت ل سهر ڤێ چهندێ یا رازى نینه.</span></h3>
