کەسەکێ نیپاڵی د زێیێ مەزن دا خەندقی

ڕائید ئامانج بابانی، ئەفسەر ل بنگەهێ خەبات یێ بەڕەڤانییا باژێڕی بۆ ئاژانسا خانی ڕاگەهاند، ئێڤاریا ئەڤرۆ تیمێن وان هاتنە ئاگەهدارکرن ب هەبوونا  ڕوودانەکا خەندقینێ، پشتی ڤەکۆلینێ وەسا دیاربوو ئەو کەسێ خەندقی ب ناڤێ (نیستال نیترا بادور رای) کو خەلێ وەلاتێ نیپاڵیە و ب مەرەما گرتنا ماسیان سەرەدانا زێیێ مەزن کربوو.

رائد ئامانج گۆت:” تیمێن مە ب زووترین دەم گەهشتنە جهێ ڕوودانێ و پشتی دەمژمێرەکێ ژ لێگەڕیانێ شیان تەرمێ وی کەسی ببینن.”

دیارکر ژی، ئەو کەسە خەلکێ نیثاڵە و ژیێ وی 33 سالن و ئاکنجیێ باژێڕێ هەولێرێ یە و کارێ وی ژی شێف بوو ل ڕێستۆرانتەکا باژێڕێ هەولێرێ.