كۆنگرێ ئێكێ یێ كۆمه‌لا كورته‌ بالایان ل هه‌ولێرێ هاته‌ گێران

ئاژانسا خانی” زنار تۆڤی:

وه‌حید سه‌عید چیچۆ” جێگرێ سه‌رۆكێ جڤاتا كورته‌ بالایێن كوردستانێ بۆ ئاژانسا خانی دیار كر: ئه‌ڤرۆ ئێكشه‌مبی 11 خزیرانا 2023 ێ” ب ئاماده‌بوونا 54 ئه‌ندامان” كو 24 ژ وان ژ پارێزگه‌ها دهۆكێ بوون و 30 ژ پارێزگه‌ها هه‌ولێرێ بوون” كۆنگرێ ئێكێ یێ كورته‌ بالایان ل هه‌ولێرا پایته‌خت هاته‌ گێران و تێدا په‌یره‌ و پرۆگرامه‌كێ نوو بۆ كورته‌ بالایان هاتییه‌ دارێژتن” ژ بۆ خزمه‌تكرنا كورته‌ بالایان” دیسان ناڤێ كۆمه‌لا كورته‌ بالایێن كوردستانێ هاته‌ گوهۆرین بۆ جڤاتا كورته‌ بالایێن كوردستانێ و ئارمێ جڤاتێ ژی لدووڤ بریارا لژنا ده‌سته‌یا بلند هاته‌ گوهۆرین” د هه‌مان ده‌مدا ئیدارا سه‌ربه‌خۆیا زاخۆ و قه‌زا ئاكرێ ژی تێدا دی بنه‌ لق د جڤاتا كورته‌ بالایان دا و جڤاتا كورته‌ بالایان دێ بنه‌ چار لق” ئه‌و ژی لقا دهۆكێ و هه‌ولێرێ و زاخۆ و ئاكرێ.

ناڤهاتی گۆت ژی: د پاشه‌رۆژێ دا مه‌ لبه‌ره‌ پتر خزمه‌تا كورته‌ بالایان بكه‌ین و هێزه‌كا نوو یا گه‌نجان بێخینه‌ د بیاڤێ خزمه‌تكرنا كورته‌ بالایان دا” داكو بشێن پتر خزمه‌تا كورته‌ بالایان بكه‌ن” هه‌روه‌سا د ڤی كۆنگره‌یی دا (دلشاد قادر) بۆ سه‌رۆكێ حڤاتا كورته‌ بالایێن كوردستانێ” كو خه‌لكێ هه‌ولێرێ یه‌ و ( وه‌حید سه‌عید چیچۆ) بوویه‌ جێگرێ سه‌رۆكێ جڤاتا كورته‌ بالایێن كوردستانێ و سه‌رپه‌رشتێ لقێن دهۆك و زاخۆ و ئاكرێ” یێن جڤاتا كورته‌ بالایان.

وه‌حید هێشتا دبێژیت: مه‌ 234 ئه‌ندامێن كورته‌ بالایان ل دهۆكێ هه‌نه‌” ل هه‌ولێرێ ژی 312 ئه‌ندام هه‌نه‌” هه‌روه‌سا ده‌سته‌یا بلندا كورته‌ بالایان ژی ژ حه‌فت ئه‌ندامان بوونه‌ 13 ئه‌ندام” هه‌روه‌سا هه‌ر ژ ده‌مێ دامه‌زراندنا كۆمه‌لا كورته‌ بالایان ل سالا 1994 ێ” هه‌تا نوكه‌” ئه‌ڤه‌ ئێكه‌م كۆنگرێ كورته‌ بالایانه‌ دهێته‌ گێران و ناڤێ كۆمه‌لێ هاته‌ گوهۆرین بۆ جڤاتا كورته‌ بالایێن كوردستانێ.