<h3></h3> <h3><span style="font-size: 18pt;">ئاژانسا خانی " تایبەت:</span></h3> <h3></h3> <h3><span style="font-size: 18pt;">ئهندامهكا پەرلەمانێ کوردستانێ دیار كر، ئەڤا دناڤا برگا ھەشتێ دا ھاتی ل مادێ ١٤ێ یێ پڕۆژە قانوونا بودجەیی ب تنێ بۆ دژایەتییا ھەرێما کوردستانێیە و دلێ نەیارێن ھەرێمێ ھاتییە ب جۆداکرنا پارێزگەھا سلێمانییێ.</span></h3> <h3><span style="font-size: 18pt;"> لەنجە دزەیی، ئەنداما پەرلەمانێ کوردستانێ بۆ ئاژانسا خانی دیار کر" برگا ھەشتێ دناڤا مادێ ١٤ یا بودجێ عێراقێ دا بەرۆڤاژی دهستوورێ عێراقێیە و ئەو پێنگاڤا ھاتییە ھاڤێتن ب تنێ ب دلێ نەیارێن قەوارەیێ ھەرێما کوردستانێیە، پێدڤی بوو ئەو شەڕێ ل پەرلەمانێ عێراقێ بۆ دژایەتییا ھەرێما کوردستانێ ھاتییە کرن بۆ بەرژەوەندی یێن تایبەت و لاوازکرنا قەوارێ ھەرێما کوردستانێیە، کو خەلکێ کوردستانێ رووبارەکێ خوینێ بۆ ھەرێما کوردستانێ کرییە قوربانی.</span></h3> <h3><span style="font-size: 18pt;">ناڤهاتییێ گۆت ژی" مخابن پێدڤی بوو ھندەک کۆتلەیێن کوردی ل پەرلەمانێ عێراقێ ل جھێ دژایەتییا ھەرێما کوردستانێ کار بۆ ب دەستڤە ئینانا مافێن شەھید و خەلکێ کوردستانێ کربایە، چەندین ئاریشە ھەنە و پێدڤی ب پارە و بەڕەڤانیێ یە مینا مادێ ١٤٠ یێ دستووری و خزمەتکرنا ھێزێن پێشمەرگەیی ب مەزاختنا بودجەکێ باش.</span></h3>
