ئیسماعیل حەمید، ڕێڤەبەرێ ناحیا چەمانكێ بۆ ئاژانسا خانی ڕاگەهاند، پشتی لەهیێن بارانبارینێ، پتر ژ هەیڤەكێ یە دەست ب چاككرنا ڕێكێن گۆندێن چەمانکێ هاتییە كرن و هەتا نوكە ب ڕێژا 95% كار درێكێن 48 گوندان ب دووماهیك هاتییە، ژ بۆ پتر خزمەتا وەلاتییان و گرنگیپێدان ب كەرتێ چاندنێ و گەشییاری كو ئهو ژی دێ مفای ژێ وەرگرن.
ڕێڤەبەرێ ناحیا چەمانكێ دیاركر، سەقایێ ئەڤسالە كارتێكرن ل سەر هندەك جۆرێن فێقیێ دەڤەرا چەمانكێ كرییە ژوان ژی گیز و سێڤ و هندەك جۆرێن دی.
