نێچيرڤان بارزانى، سه‌رۆكێ هه‌رێما كوردستانێ، ئەڤرۆ پێشوازى ل شاندەكێ بلند یێ سه‌ربازی یێ بريتانى ب سه‌رۆكايه‌تيیا مارشال سامى سامپسۆن، شیرەتكارێ بەرەڤانییا بریتانی ل ڕۆژهه‌لاتا ناڤه‌ڕاست و باكوورێ ئافريكا كر كو ژ ژماره‌كا پله‌دار و به‌رپرسێن بلندێن سه‌ربازی یێن بريتانى پێكهاتبوو.
ڕۆژى كه‌يڤ، كونسۆلێ گشتيیێ بريتانيا ل هه‌رێما كوردستانێ لده‌مێ پێشوازیێ یێ ئاماده‌بوو، ودادیاركرن كو ڕەوشا ئێمناهییا عیراق و هه‌رێما كورستانێ و چاكسازييا وه‌زاره‌تا پێشمه‌رگه و هاريكاريیا هەڤبه‌شییا ئێمناهییێ گۆتۆبێژكرن.
هه‌ردوو ئالییان دووپات ل گرنگيیا پرۆسەیا ڕێكخستنا پێشمه‌رگه و چاكسازييا وه‌زاره‌تا پێشمه‌رگه‌ی كر و هەروەسا دیاركر، دڤێت پرۆسه ب شێوه‌كێ كاراتر بهێتە بجهئینان، سه‌رۆكێ هه‌رێما كوردستانێ ژی، سوپاسییا بريتانيا و وەلاتێن دی یێن دۆست كر بۆ پشتەڤانی و هاریكارییان وان د پرۆسه‌یێدا.
هەروەسا شاندێ مێهڤان دووپات ل هندێ كر، بريتانيا ب گرنگی ئارامى و سه‌قامگيريیا ئێمناهی عیراق و هه‌رێما كوردستانێ دبینیت و د پێشكێشكرنا هاریكاری و پشتەڤانییا ئێمناهییێ بۆ پاراستنا ئارامى و سه‌قامگيريیا عیراق و هه‌رێما كوردستانێ و سه‌رئێخستنا پرۆسا چاكسازى و ئێكخستنا پێشمه‌رگه‌یدا دێ یا بەردەوام بیت.
