مەسرور بارزانی، سەرۆکێ حکومەتا هەرێما کوردستانێ پێشوازی ل شاندەكێ جڤاتا کۆمسیارێن دەستەیا ڕاگەهاندن و پەیوەندییێن عیراقێ ب سەرۆکایەتییا بەسام سالم سەرۆکێ دەستەیێ کر.
شاندێ جڤاتا کۆمسیارێن دەستەیا ڕاگەهاندن و پەیوەندییێن عیراقێ لدۆر کار و چالاکی و پڕۆژەیێن دەستەیێ د بوارێ ڕاگەهاندن و گەهاندن و تەکنەلۆژیایا زانیاری بەرچاڤكرن و ئامادەییا خۆ بۆ هاریکاری و هەماهەنگیکرنا دگەل حکومەتا هەرێما کوردستانێ دیاركر.
سەرۆکێ حکومەتێ دووپات ل گرنگی و کاریگەرییا کەرتێ گەهاندن و تەکنەلۆژیایا زانیاری و پێشکەفتنا بلەز كر كو جیهان ئەڤڕۆ د سەردەمێ ژیرییا دەستکرد دا دژیت و دەرفەتا بەرفرەهـ د هەمی بواراندا، ل بەردەم مرۆڤایەتییێدا کر، هەروەسا سەرۆكێ حكومەتێ دووپات ل گرنگییاهەبوونا نونەراتییا هەرێمێ ل دەستە و سازییێن فیدرال كر
