بریكارێ وه‌زاره‌تا بازرگانییا هه‌رێمێ: ئه‌م بزاڤان دكه‌ین هه‌موو گه‌نمێ جۆتیاران بهێته‌ وه‌رگرتن

ئاژانسا خانی:

بریکارێ وەزارەتا بازرگانیبا حکومەتا ھەرێما کوردستانێ دیار كر: نوكه‌ ئه‌م ل گه‌ل حکومەتا عێراقێ د دانوستاندنێن به‌رده‌وام داینه‌ بۆ هندێ هه‌موو گەنمێ جۆتیارێن ھەرێما کوردستانێ وەربگرن، هه‌ر چه‌نده‌ وان رێژا مە دیار کرییە، کو 500 ھزار تەنان وەربگرن ئەڤه‌ ژی ب بزاڤێن راستەوخۆ یێن سەرۆکێ حکومەتا ھەرێما کوردستانێ بوویە.

سەروەر ھاواری، زێده‌تر گۆت: “رێژا وەرگرتنا گەنمی ژ جۆتیاران ل ھەرێما کوردستانێ هاتییه‌ دیارکرن” كو 500 ھزار تەنێن گه‌نمی نه‌ و جۆتیار نه‌شێن ھەموو گەنمی ڕادەست بکه‌ن، به‌لێ حکومەتا ھەرێما کوردستانێ گه‌له‌ك بزاڤ كرینه‌ كو هه‌موو گه‌نمێ جۆتیاران بهێته‌ وه‌رگرتن و ل ده‌ستپێكێ 200 ھزار تەن هاتبوونه‌ دیار كرن و پاشی بوونه‌ 375 ھزار تەن، بەلێ بزاڤێن سەرۆکێ حکومەتێ ب رێیا د. فوئاد حسێنی ئه‌و رێژه‌ کره‌ 500 ھزار تەنێن گه‌نمی.

ناڤهاتی گۆت ژی: مه‌ سایلۆ ڤه‌كرینه‌ و ھەر جۆتیاره‌كێ گەنمی بینیت دێ ژێ وەرگرین لدووڤ وی رەسیدێ چاندنێ بۆ دیارکری و ئه‌م نه‌شێین پتر ژێ وه‌ربگرین” ژبه‌ركو رێژا وەرگرتنێ هاتییه‌ دیارکرن.