موئەیەد مەئموون بریفکانی رێڤەبەرێ کۆمپانیا MB Construction راگه‌هاندنه‌ك ل دۆر كێشێن ڤێ دووماهیێ بۆ كۆمپامیا وان هاتینه پێش به‌لاڤكریه و ئه‌ڤا ل خوارێ ده‌قێ وێ یه:
ب ناڤێ رێڤەبەرییا کۆمپانیا MB Construction بۆ هەوە رادگەهینین کو ئەڤە هەیامەکە دەنگ و باسێ راوەستیانا کۆمپانیا مە بەڵاڤە بوویە، بەلێ ئەڤە ئەوێ چەندێ ناگەهینیت کو کۆمپانی دێ دەستا ژ کارکرنێ بەردەت، ژ بەر کو هەر ژ دەستپێکێ مەبەستا مە ژ کارکرنێ خزمەتکرنا خەلکی بوو، لەورا دێ بەردەوام بین ل سەر ئەڤێ رێکێ.
بەرێزان، هەوە ئاگەهدار دکەین کو کۆمپانی توشی هندەک ئاریشەیێن کارگێری و دارایی بوویە، بەلێ ئەڤە دەمەکە ئەم ل گەل هەڤکار و شریکێن خۆ دان و ستاندنان دکەین دا کو ئەڤان ئاریشەیان چارەسەر کەین و مە باوەریەکا موکم هەیە کو دێ ئەڤ ئاریشە چارەسەر بن.
هەروەسا گرنگە کو هوین بزانن کو ئەگەرێ سەرەکیێ ئەڤان ئاریشەیان بۆ ئەوێ چەندێ دزڤریت کو چار جیهەتان ملێ خۆ دایە ئێک دا کو کارێ مە ل سەر (سێ تاوەران) براوەستینن. ب راستی ژی جهێ داخێ یە کو هەر ئێک ژ (رێڤەبەرییا وەبەرهێنانێ ل پارێزگەها دهۆکێ، رێڤەبەرییا پلاندانێ ل پارێزگەها دهۆکێ، لیژنەیا تاوەران ل پارێزگەها دهۆکێ و پشکا ئەندازیاری ل زانکۆیا دهۆکێ) ئەڤان هەمی جیهەتان ب پلان و بەرنامە ئەڤ هەڤپەیمانییە چێکرییە دا کو کارێ مە براوەستینن و سومعەتا مە بشکێنن، بەلێ ب ئانەهییا خۆدێ ئەڤ پلانە سەرناگریت و دێ شێین ژێ دەرباز بین.
ب مخابنی ڤە، ل جهێ کو ئەڤ جیهەتە هاریکارییا کۆمپانیا مە بکەن دا کو خزمەتا خەلکێ خۆ بکەین، ئەو بەردەوام یێ ئاستەنگان بۆ مە چێدکەن دا کو د جهێ خۆ دا بمینین و کارێ مە ل سەر هەر (سێ تاوەران) تەمام نەبیت، بەلێ دوبارە و سێ بارە هەوە پشت راست دکەین کو ب قوەتا خۆدێ و پشتەڤانییا حکومەتا هەرێما کوردستانێ دێ بهێزتر زڤرین و دێ هەمی ئاریشەیان چارەسەرکەین و جارەکا دی زڤرینە خزمەتا خەلکێ خۆ یێ هێژا، ئەڤێ کو باوەری دایە مە و ب ئانەهییا خۆدێ دێ ژدەرحەق ئەوێ باوەریێ دەرکەڤین.
٢٠/٦/٢٠٢٣
موئەیەد مەئموون بریفکانی
رێڤەبەرێ کۆمپانیا MB Construction
