کۆمەلگه‌هه‌ک بۆ کرین و فرۆتن و سه‌خبێرکرنا چه‌کى ل دهۆكێ دێ هێته‌ دروستکرن

ئاژانسا خانی:

ب مه‌ره‌ما رێکخستنا کارێ کرین و فرۆتنا چه‌کى، ل پارێزگه‌ها دهۆکێ کۆمەلگه‌هه‌ک دێ هێته‌ دروستکرن بۆ کارێ کرین و فرۆتنا چه‌کى ل گه‌ل سه‌خبێرکرنا وی.

عه‌قید هێمن سلێمان، په‌یڤدارێ رێڤه‌به‌رییا پۆلیسێن پارێزگه‌ها دهۆکێ، بۆ ئاژانسا خانی دیارکر: لدووڤ قانوونا نوو یا چه‌کى یا ژماره‌ (دو) یا سالا 2022 ێ دا” بریار هاتییه‌ دان‌ كو ل هه‌موو پارێزگه‌هـ و ئیدارێن سه‌ربه‌خۆ یێن هه‌ریما كوردستانێ، کۆمەلگه‌هێن سه‌خبێرکرن و کرین و فرۆتنا چه‌کى ب ره‌نگه‌كێ فه‌رمی بهێنه‌ ڤه‌كرن، ل پارێزگه‌ها دهۆکێ ژى دێ کۆمەلگه‌هه‌ک هێته‌ ڤه‌كرن بۆ سه‌خبێرکرن و کرین و فرۆتنا چه‌کى، لێ د وێ کۆمەلگه‌هێ دا هه‌مى جۆرێن چه‌کی ناهێته‌ بکار ئینان و ئێدی نابیت چه‌ك ب قه‌چاغی بهێنه‌ كرین و فرۆتن” ئه‌و كه‌سێ چه‌كێ خۆ تۆمار دكه‌ت” دێ شێت چه‌كێ خۆ ل وان كۆمه‌لگه‌هان فرۆشیت” به‌لێ ئه‌وێ تۆمار نه‌كه‌ت” نه‌شێت چه‌كێ خۆ بفرۆشیت” هه‌روه‌سا ئه‌و كه‌سێ چه‌كی دكرن و دفرۆشن ژی دڤێت ده‌ستویرییا حكومه‌تێ هه‌بیت.

په‌یڤدارێ پۆلیسێن پارێزگه‌ها دهۆکێ دیار کر ژی: “هه‌تاكو که‌سه‌ک بشێت کرین و فرۆتنێ ب چه‌کێ خۆ بکه‌ت و د ناڤ وێ کۆمەلگه‌هێ دا چه‌کێ خۆ سه‌خبێر بکه‌ت، دڤێت ئه‌و که‌سه‌ چه‌کێ خۆ ب فه‌رمى تۆمار بکه‌ت، پاشی دێ شێت ب فه‌رمى چه‌کێ بۆ خۆ کریت و فرۆشیت”.

ئه‌و چه‌ند ژی گۆت: “د وێ کۆمەلگه‌هێ دا ب تنێ چه‌کێن سڤک دێ ره‌فتار دگه‌ل هێته‌ کرن، وه‌ک کلاشینکۆڤ و ده‌مانجه‌ و یێن قه‌بارێ وان بچووک” ئانكو چه‌كێن ئاگری، هه‌روه‌سا نابیت چه‌کێ گران د ده‌ستێ وه‌لاتییان دا بیت، هه‌ر چه‌که‌کێ ژ کلاشینکۆڤێ مه‌زنتر بیت، دڤێت د ده‌ستێن هێزێن ئێمناهییێ دا بیت” دیسان ئه‌و كه‌سێ كارێ سه‌خبێركرنا چه‌كی دكه‌ت” دڤێت وی ژی دوكان هه‌بیت و ده‌ستویرییا حكومه‌تێ هه‌بیت” هه‌روه‌سا چه‌كێ ئاگری كو ده‌مانجه‌ و كلاشینكۆفه‌” دێ كرین و فرۆتن پێ هێته‌ كرن” به‌لێ چه‌كێ شه‌ری وه‌كو ( ئار بی جی/ بی كه‌ی سی و دۆشك و چه‌كێن دیتر یێن گران)” دڤێت د ده‌ستێن پێشمه‌رگه‌یی و هێزێن ئێمناهییێ دابن.