خانما سترانبێژ ناتالیا سەران، ل وه‌لاتێ ئه‌رمه‌نستانێ ژ دایك بوویه” بۆ ئاژانسا خانی دیار كر: وێ نووترین بەرهەمێ خۆ ب شێوێ دوێت ل گەل هونەرمەند ئاراس ب شێوێ ڤیدیۆ کلیپ به‌لاڤكرییه و بەرهەمێ وێ ب ناڤێ ‘ئای ناز’ ە بوویه و تێکست و ئاوازا وێ سترانێ یا فۆلکلۆرێ کوردییە و کارێ موزیک و میکس و ماسترینگێ ژ لایێ رێناس میرانی ڤه هاتییه کرن و هه‌روه‌سا د وێ ڤیدیۆ کلیپێ دا گرۆپێ زۆزان ل بەرلینێ ل ئەلمانیا پشكداری د وێ كلیپێ دا كرییه.
ناتالیا سەران زێده‌تر دبێژیت، ئه‌ڤه جارا ئێكێیه بەرهەمه‌كی ب شێوەزارێ کرمانجییا خوارێ چێدكه‌ت، ئه‌و حه‌ز دكه‌ت وێ ب ره‌نگه‌كێ باش ئه‌و سترانه گۆت بیت و ئه‌و سترانه ژ دەرهێنانا رێناس میرانییە و ل ئەلمانیا هاتییه وێنە كرن و گۆت ژی” هه‌تا نوكه وێ هژماره‌كا سترانێن سینگل و كلیپ به‌لاڤكرینه و هه‌روه‌سا د نوكه دا ئه‌و كار ل سه‌ر تۆماركرنا هنده‌ك به‌رهه‌مێن دیتر دكه‌ت و وێ ڤییایه هه‌رده‌م خزمه‌تا هونه‌رێ كوردی بكه‌ت.
