ده‌ست ب سه‌ر چار هزار كارتێن بانكى یێن سه‌خته‌دا هاته‌ گرتن

ل مالا رێڤه‌به‌رێ خانه‌نشیینییێ ل ئه‌نبار ده‌ست ب سه‌ر زێده‌تر ژ چار هزار كارتێن بانكى یێن سه‌خته‌دا هاته‌ گرتن.

ژێده‌ره‌كێ فه‌رمی ل پارێزگه‌ها ئه‌نبار بۆ میدیایا عیراقێ دیاركر، لژنه‌یا ده‌سته‌یا گشتییا ده‌ستپاكییا عیراقێ ب هه‌ماهه‌نگى دگه‌ل هێزێن ئێمناهییێ، ل مالا ئه‌نه‌س دلێمى رێڤه‌به‌رێ خانه‌نشینییێ ل پارێزگه‌ها ئه‌نبار، ده‌ست ب سه‌ر زێده‌تر ژ چار هزار كارتێن بانكی یێن سه‌خته‌دا گرت و ناڤبرى ژى ده‌سته‌سه‌ركر.

ئاماژه‌ ب هندێ ژى كر، نوكه‌ لژنه‌یێن ده‌ستپاكییێ ل قووناغێن لێكۆلینێدانه‌ بۆ زانینا هووركارییێن زێده‌تر ل سه‌ر ئه‌وان كارتێن بانكى یێن سه‌خته‌، كا چه‌وا هاتینه‌ سه‌خته‌كرن و بۆ چ تتشته‌كى هاتینه‌ بكارئینان.