سەرۆك مەسعود بارزانی ئەڤرۆ پێشوازی ل مایك برایسۆن ڕیچاردسۆن، بالیۆزێ بریتانیا ل عیراقێ كر.
سەرۆك بارزانی و بالیۆزێ بریتانیا ل عیراقێ، ڕەوشا سیاسییا عیراق و دەڤەرێ و پەیوەندییێن دناڤبەرا حكومەتا هەرێم و حكومەتا فیدڕال یا عیراقێ و پێدڤییێن چارەسەركرنا ئاریشەییێن دناڤبەرا واندا، هەروەسا هەلبژارتنێن جڤاتا پارێزگەهێن عیراقێ گۆتۆبێژكرن.
هەروەسا د كۆمبوونێدا هەردوو لایەن د هەڤڕا بوون كو پاراستنا شەرعیەت و ب هێزكرنا پڕۆسەیا دیموكراسی، پێدڤییە هەلبژارتنێن هەرێما كوردستنانێ بێ ئەگەر بهێنەكرن.
بالیۆزێ بریتانیا دووپات ل دۆستایەتی و هەڤپەیمانییا دناڤبەرا بریتانیا و هەرێما كوردستانێدا كر و سەرۆك بارزانی ژی دووپات ل پەیوەندییێن دێرین دناڤبەرا گەلێ كوردستانێ و بریتانیا كر، داخوازكر دۆستایەتی و پەیوەندی دناڤبەرا هەردوولایان بهێتر بن.
