ب كوژمێ زێده‌تر ژ ئێك ملیار دیناران جادده‌یێن ئاكرێ دێ هێنه‌ قێركرن

به‌رپرسێ راگه‌هاندنا رێڤه‌به‌رییا گشتییا باژێرڤانییان ل پارێزگه‌ها دهۆكێ دیاركر، چار جادده‌یێن قه‌زا ئاكرێ ب درێژاهییا شه‌ش كیلۆمه‌تران ب كوژمێ ئێك ملیار و 892 ملیۆن  و 625 هزار دیناران دێ هێنه‌ قێركرن.

ئه‌میر ئه‌تروشى به‌رپرسێ راگەھاندنا رێڤەبەرییا گشتییا باژێرڤانییان ل پارێزگەھا دھۆکێ بۆ ئاژانسا خانى دیاركر، سەرۆکایه‌تییا باژێرڤانییا ئاکرێ یا سەر ب رێڤەبەرییا گشتییا باژێرڤانییان ل پارێزگەھا دھۆکێڤه‌، نوکە کار ل سەر پرۆژەیێ چێکرنا جاددەیێن تاخێن کوشینە دوو، کوشینە سێ، تاخێ کوردستان و تاخێ 11 ئەیلولێ دكه‌ت، كو ئەڤ پرۆژە ب درێژاھییا شەش کیلۆمەتران ب كوژمێ ئێك ملیار و 892 ملیۆن 625 ھزار دیناران دھێتە بجهئینان.

ئاماژه‌ ب هندێ دا، رێژه‌یا بجهئینانا پرۆژەی بوویە 25%ێ، پرۆژەکێ تمامە ژ ئاڤ و کارەبێ، ئه‌ڤه‌ دبیته‌ جارا ئێكێ ئه‌و جادده‌ هه‌موو د ئێك ده‌مدا دهێنه‌ قێركرن.