ئارام ئه‌حمه‌د مامه‌: پارتی دێ ھەڤپەیمانییێ بۆ ھەلبژارتنێن جڤاتا پارێزگه‌ها كه‌ركووكێ دروست كه‌ت

ئاژانسا خانی” تایبەت:

بەرپرسەکێ پارتی ل کەرکووکێ ئاشکرا کر، پارتی دیموکراتی کوردستان دخوازیت کورد ب ئێک لیست پشکداریێ د ھەلبژارتنێن جڤاتا پارێزگەھا کەرکووکێ دا بکەن و بۆ ڤێ مەرەمێ پارتی دێ ھەڤپەیمانییێ چێکەت بۆ ھەلبژارتنان.

ئارام ئەحمەد مامە، کارگێڕێ لقێ پارتی ل کەرکووکێ بۆ ئاژانسا خانی دیارکر” پارتی ل کەرکووکێ بزاڤان دکەت ھەڤپەیمانییێ دگەل لایەنێن سیاسی بکەت ب مەرەما پشکدارییێ د پرۆسا ھەلبژارتنێن جڤاتێن پارێزگەھێن عێراقێ دا ل کەرکووکێ، پارتی دخوازیت کورد ب ئێک لیست پشکدارییێ بکەت ئەگەر ئێک لیست سەرنەگریت پارتی دخوازیت ب دو لیست پشکدارییا کوردان ھەبیت، بەرۆڤاژی کورد ب پرت و پەلاڤی پشکدارییێ د ھەلبژارتنێن جڤاتێن پارێزگەھان بکەن دێ زیانێن مەزن ھەبن.

ئارام ئەحمەد مامە گۆت ژی” بەری نوکە چەند کۆمبوون ل گەل لایەنێن ساسی یێن کەرکووکێ ھاتینە کرن، ئەڤرۆ ژی شاندەکێ مەکتەبا رێکخستنا پارتی ل کەرکووکێ سەرەدانا باژێڕێ کەرکووکێ کرییە و ل گەل ئێکگرتوویا ئیسلامی و حزبا سۆشیالست دێ کۆمبن کۆمبوون ژی دێ بەردەوام بن ل گەل لایەنێن سیاسی ھەتا بگەھنە رێکكەفتنێ بۆ چێکرنا ھەڤپەیمانییەکێ ل کەرکووکێ.