نوشداره‌كێ دهۆكێ ده‌رمانه‌ك دژى به‌كتریایێن ددانان داهێنا

د. ئیحسان مه‌نسور كو تایبه‌تمه‌ندێ ددانایه‌ و خه‌لكێ باژێرێ دهۆكێیه‌، ده‌رمانه‌كێ نوو دژى به‌كتریایێن ددانان داهێنا و باوه‌رنامه‌یا داهێنانێ (براءة اختراع) ل وه‌زاره‌تا پلاندانانا عیراقێ وه‌رگرت.

د. ئیحسان مه‌نسورى تایبه‌تمه‌ندێ ددانان بۆ ئاژانسا خانى ئاشكراكر، ئه‌وى ب هاریكا دوو سه‌رپه‌رشتان كو خه‌لكێ هه‌ولێرێ بوون ده‌رمانه‌ك بۆ رێگریكرنێ ژ ده‌ركه‌ڤتنا ددانان داهێنا و باوه‌رنامه‌یا داھێنانێ (براءة اختراع) ژ وه‌زاره‌تا پلاندانانا عیراقێ وه‌رگرت، دبیته‌ جارا ئێكێ د جیهانێدا ده‌رمانه‌كێ ژ ڤى جۆرى دهێته‌ داهێنان.

هه‌روه‌سا گوت : دروستكرنا ڤى ده‌رمانى هه‌موو ب ره‌نج و زه‌حمه‌تا وى بوویه و چ لایه‌نان هاریكارییا وى نه‌كرییه‌‌، پێكهاته‌ییێن ڤى ده‌رمانى هه‌موو ب رێژه‌یا 100%ێ ژ گیایێن سرۆشتى نه‌، ل قووناغا ئێكێ ئه‌و شیان ده‌رمانى ب داهێنن، ل قووناغا بهێت دێ ل هیڤییا ئێك ژ كۆمپانییان بن ڤى ده‌رمانى دروست بكه‌ت و به‌ر ده‌ست بكه‌ت.