د. محەمەد خورشید: ئێک لیسته‌یا کوردان ل کەرکووکێ کارەکێ ب زەحمەتە

ئاژانسا خانی” تایبەت:

بەرپرسەکێ پارتی دیموکراتی کوردستان ل کەرکووکێ ئاشکرا کر، ئێک لیسته‌یا کوردان ل کەرکووکێ کارەکێ ب زەحمەتە، چونکی هه‌كه‌ کورد ببنە ئێک لیست ژی دێ ھندەک لایەنێن کوردی ھەر کارێ خوە کەن و دێ زیانێ گه‌هیننه‌ کوردان.

د. محەمەد خورشید، هاریكارێ بەرپرسێ مەکتەبا رێکخستنا پارتی ل کەرکووکێ بۆ ئاژانسا خانی دیار کر” ھەموو لایەنێن کوردی ل کەرکووکێ  نابنە ئێک لیست بۆ ھەلبژارتنێن جڤاتێن پارێزگەھان ل کەرکووکێ، چونکی ھەموو لایەن ژی پێکڤە لیستەکێ پێک بینن ھندەک لایەنێن کوردی دێ ھەر کارێ خوە ل دەرڤەیی لیستا کوردان کەن و دێ زیان ب لیستا کوردی کەڤیت.

ناڤهاتی گۆت ژی” ئەگەر کورد نەگەھشتن رێکكەفتنێ بۆ پێک ئینانا ئێک لیستێ ئەڤە دشێن ب دو لیستێن بھێز پشکداریێ د ھەلبژارتنێن جڤاتێن پارێزگەھاندا بکەن ل کەرکووکێ، ل رۆژا ٣٠ی مەھا تیرمەھێ دێ دووماھی بڕیار لسەر ئێک لیستیا کوردان ھێتەدان.