هیلالێ ئوفه‌ره‌كا ئه‌فسانه‌یى پێشكێشى ئێمباپى كر

یانه‌یا هیلال یا سعوودى ئوفه‌ره‌كا ئه‌فسانه‌یى بۆ گرێدانا هه‌ڤبه‌ستێ دگه‌ل ستێرا فره‌نسى كیلیان ئێمباپى پێشكێشى یانه‌یا پاریس سانجێرمان كر.

ژێده‌رێن رۆژنامه‌ڤانى دیاردكه‌ن، هیلالێ ئوفه‌ره‌ك ب 300 ملیۆن یورۆیان پێشكێشى پاریس سانجێرمانێ كرن، لێ هه‌تا نوكه‌ چ دانوستاندن دگه‌ل یاریكه‌رى نه‌كرینه‌.

ئاماژه‌ ب هندێ ژى دان، هیلال دێ مووچه‌یه‌كێ دیرۆكى پێشكێشى ئێمباپى كه‌ت خو‌ ئه‌گه‌ر بۆ ساله‌كێ ژى بیت، لێ هه‌تا نوكه‌ پاریس یا پشتراسته‌ كو ئێمباپى ل سه‌ر به‌ندێن كه‌سایه‌تى دگه‌ل ریال مه‌دریدێ رێككه‌ڤتییه‌ و دێ ل سالا 2024ێ په‌یوه‌ندییێ ب رێزێن وێ كه‌ت.