<h3 style="text-align: justify;"><span style="font-size: 18pt;">شاندهكێ حكومهتا ههرێما كوردستانێ كو ژ ئانۆ جهوههر وهزیرێ ڤهگۆهاستن و گههاندنا ههرێما كوردستانێ و د. عهلى تهتهر پارێزگارێ دهۆكێ پێكهاتییه بۆ بهحسكرنا كێشانا هێلا شهمهندهفرێ ل دهڤهرێن عیراقێ ههتا دگههیته ههرێما كوردستانێ و وهلاتێ توركیا ل بهغدایه.</span></h3> <h3 style="text-align: justify;"><span style="font-size: 18pt;">ئانۆ جهوههر وهزیرێ ڤهگۆهاستن و گههاندنا ههرێما كوردستانێ ل دۆر وێ چهندێ دبێژیت : ئهڤرۆ ئهو ل بهغدانه بۆ هندێ چهند دانوستاندنان ل سهر ئهوى پرۆژهیێ عیراقێ بكهن كو پرۆژهیێ كێشانا هێلا شهمهندهرێیه ل دهڤهرێن عیراقێ بۆ ههرێما كوردستانێ و وهلاتێ توركیا.</span></h3> <h3 style="text-align: justify;"><span style="font-size: 18pt;">گوت ژى : بریاره شهمهندهفرهكا بلهز دوى پرۆژهیدا بهێته دانان كو لهزاتییا وێ 200 كیلۆمهتر د ئێك دهمژمێردایه و ژ فاو بۆ ههرێما كوردستانێ و توركیا و وهلاتێن دى ژى دچیت.</span></h3> <h3 style="text-align: justify;"><span style="font-size: 18pt;">ئانۆ جهوههرى گوت ژى : ئهو ل سهر راسپاردهیا ئامۆژگارییا مهسرور بارزانى سهرۆكێ حكومهتا ههرێما كوردستانێ هاتینه بهغدا و سهرۆكێ حكومهتێ دووپاتى ل هندێ كرییه كو ئهو پرۆژه كا چهوا دێ دبهرژهوهندییا خهلكێ عیراقێدا بیت، دڤێت وهسا د بهرژهوهندییا خهلكێ كوردستانێ ژى دا بیت.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، پرۆژه ژلایێ كۆمپانییهكا ئیتالیڤه دێ هێته بجهئینان.</span></h3> <h3 style="text-align: justify;"><span style="font-size: 18pt;">ههر ل دۆر وێ چهندێ د. عهلى تهتهر پارێزگارێ دهۆكێ دیاركر، ئهو هێلا شهمهندهفرێ دێ ژ قهزا سێمێلى بهرهڤ زاخۆ و ئیبراهیم خهلیل ڤه چیت و ئاسانكارییان پێشكێشى خهلكى كهت، لی وان چهند تێبینییهك ل سهر ههنه و دانوستاندن ژى د بهردهوامن بۆ هندێ خهلكێ ههرێما كوردستانێ وهكو خهلكێ عیراقێ مفاى ژ وى پرۆژهى وهربگرن.</span></h3>
