دەقێ راگەهاندنا ڕێڤەبەرییا پۆلیسێن ئاکرێ:
ئەڤ شەڤە پۆلیسێن ئاکرێ هاتنە ئاگەهدارکرن ب هەبوونا تاوانەکا کوشتنێ لسەر جادا سەرەکی ئاکرێ ـ روڤیا ، بەرامبەر کارگەها M.R.F یاڤاڤارتنا گلێشی
دەمودەست مەفرەزا پۆلیسێن چالاکییێن مەدەنی دگەل پۆلیسێن هەوارهاتنێ و بنگەهێ پۆلیسێن گردەسێن و پۆلیسێن بەلگێن تاوانا و نڤیسینگەها نەهێلانا گونەهباریا سیپە لجهێ تاوانێ ئامادەبوون کو تێدا کەسەكێ تەمەن (٣٢) سالی هاتییە کوشتن ب ناڤێ «ھ.م.س» دگەل برینداربوونا کەسەکێ دی ب ناڤێ «ش.م.م» تەمەن (٣٢) سالی.
ل دیف ڤەکۆلینێن دەستپێکی بۆ مە دیاربوویە کو ژ ئەنجامێ کێشەیەکا کۆمەلایەتییا کەڤن ژلایێ چەند کەسەکان تەقە ل وان هاتییەکرن ل سەر جادا ل سەری ئاماژە پێکری. لاشێ تاوان لێکری هاتییە رەوانەکرن بۆ پزیشکییا دادی ل پارێزگەها دهۆکێ. دۆز بۆ تاوانێ هاتییە ڤەکرن لدیف بەندێ (٤٠٦ ی.س) و فەرمانا گرتنێ بۆ تاوانباران دەرکەفتییە ژلایێ دادوەرێ ڤەکۆلینێ و ڤەکۆلین بەردەوامە.
راگەهاندنا رێڤەبەریا پولیسێن ئـاکـرێ
