<h3 style="text-align: justify;"><span style="font-size: 18pt;">ئهندامهكا فراكسیۆنا پارتى ل پهرلهمانێ عیراقێ دیاركر، دهستهیهكا شارهزایان بۆ سهرپهرشتیكرنا ههلبژارتنێن ئهڤ ساله ل كهركووكێ دێ هێته پێكئینان، گوت ژى ههتا نوكه ئێكلا نهبوویه لایهنێن كوردى ههموو دێ ب ئێك لیسته پشكداری ههلبژارتنێن جڤاتێن پارێزگههان بن یان ژى ههر لایهنهكى دێ لیستهیا خوه یا تایبهت ههبیت.</span></h3> <h3 style="text-align: justify;"><span style="font-size: 18pt;">نهجوا كاكهیى پهرلهمانتارا فراكسیۆنا پارتى دیموكراتى كوردستان ل پهرلهمانێ عیراقێ بۆ ئاژانسا خانى دیاركر، بریاره گوهۆرین ل ئوفیسێن كۆمسیۆنا ههلبژارتنێن عیراقێ ل پارێزگههان بهێنهكرن، بۆ ڤێ مهرهمێ ژى دهستهیهكا شارهزایان بۆ سهرپهرشتیكرنا پرۆسهیا ههلبژارتنێن جڤاتێن پارێزگههان دێ هێته پێكئینان، ل كهركووكێ لژنهیهك هاتییه پێكئینان و نوونهرێن ههموو پێكهاتهیان بۆ بابهتێ ههلبژارتنێن ئهڤ ساله یێن جڤاتا پارێزگهها كهركووكێ تێدانه.</span></h3> <h3 style="text-align: justify;"><span style="font-size: 18pt;">ئاماژه ب هندێ دا، ههر كهسهكێ شارهزا بیت و خۆدان هزرهكا باش بیت و ئاستێ تێگههشتنا وى یێ بلند بیت، دێ بۆ دهستهیێ هێته ههلبژارتن، ههلبژارتنا وان ژى دێ ژلایێ لژنهیهكێ ڤه بیت كو نوونهرێن ههموو لایهنان دوێ لژنهیێ دانه.</span></h3> <h3 style="text-align: justify;"><span style="font-size: 18pt;">نهجوا كاكهیى ئاشكرا ژى كر، دنوكهدا ههموو لایهن ل دۆر پێكئینانا لژنهیهكا ههڤپشك بۆ پشكداریكرنێ دههلبژارتنێن جڤاتێن پارێزگههاندا د دانوستاندنادانه، لێ هێشتا نههاتییه ئێكلاكرن كا ههموو لایهن دێ ب ئێك لیسته پشكدارییێ كهن، یان ژى ههر لایهنهكى دێ لیستهیا خوه یا تایبهت ههبیت، ئهگهر پارتى ل لیستهیهكا تایبهت پشكدارى كر، ئهو د گهشبینن كو دێ ل كهركووكێ د سهركهڤتى بن، ژبهركو سهربارى نهبوونا بارهگایێ حزبێ ل وێ پارێزگههێ، پارتى خۆدان جهماوهرهكێ مهزنه و ئهو دێ ههموو بزاڤان بۆ سهركهڤتنا پارتى دیموكراتى كوردستان كهن.</span></h3>
