هووربینی د رێنمایێن بودجه‌یێ سێ سالێن بهێن یێ عیراقێ ب دووماهی هاتن

جڤاتا دەوله‌تێ راگەهاند، پڕۆسەیا هووربینییا بودجەیێ سێ سالێن بهێت یێ عێراقێ ب دووماهی هاتن و ئاسانکاری بۆ بجهئینانا وی هاتینه‌ کرن.

ل 12 ی خزیرانا 2023 ێ په‌رله‌مانێ عێراقێ ب‌ زۆرینه‌یا ده‌نگان پڕۆژه ‌یاسایا بودجه‌یێ سالێن 2023 و 2024 و 2025 ێ په‌سه‌ند كر، پشتی ئەنجامدانا هووربینییێ دهێته‌ چاڤه‌ڕێ كرن حکومەتا عێراقێ دەست ب بجهئینانا بودجەیێ پەسەند کری بکه‌ت.

یاسایێ بودجەیێ گشتییێ عێراق بۆ سالێن (2023، 2024 و 2025) ێ” ژ 78 مادان پێکهاتییە و سه‌رجه‌مێ گشتییێ بودجەیی 198 ترلیۆن و 910 ملیار و 343 ملیۆن و 590 هزار دینار بۆ سالا داراییا 2023 ێ هاتییه‌ خەملاندن، کو داهاتێ گشتییێ عێراقێ بۆ ئەڤ سالە ب 134 ترلیۆن و 552 ملیار و 919 ملیۆن و 63 هزار دینار هاتییه‌ دانان.