سه‌لام عه‌لى راهێنه‌رێ یانه‌یا زاخۆ یا تایكواندویێ كو ل ئیداره‌یا سه‌ربه‌خۆ یا زاخۆ سه‌رپه‌رشتییا راهێنانێن هارونى دكه‌ت بۆ ئاژانسا خانى دیاركر، هارون دڤان رۆژاندا دێ به‌ره‌ڤ ئیرانێڤه چیت بۆ پشكداریكرنێ دكه‌مپێ راهێنانێن هه‌لبژارتییێ عیراقێدا و دێ ل ژێر سه‌رپه‌رشتییا راهێنه‌ره‌كێ ئیرانى راهێنان پێ هێنه‌كرن، پاشان دێ به‌ره‌ڤ وه‌لاتێ لبنانێڤه چیت بۆ پشكداریكرنێ د هه‌ڤركییێن قاره‌مانییا ئاسیادا، كو ل سالا بوورى ژى ل وه‌لاتێ ڤێتنامێ هه‌ر ب ناڤێ هه‌لبژارتییێ عیراقێ پشكداری د قاره‌مانییا ئاسیادا كربوو و رێزا سێیێ ب ده‌ستڤه‌بربوو.
زێده‌تر دیاركر، هارونى ل زاخۆ ل ژێر سه‌رپه‌رشتییا وى راهێنان كرینه، ل به‌غدا پشكداری د تاقیكرناندا كر و ب سه‌ركه‌ڤتییانه ده‌ربازكرن و بۆ ناڤ رێزێن هه‌لبژارتییێ عیراقێ هاته داخوازكرن.
