ئاژانسا خانی” زنار تۆڤی:
مهیسهر عۆبهید” سكرتێرێ ئیكهتییا لاوێن دیموكراتا كوردستانێ” سهرۆكێ شاندێ ئێكهتییا لاوێن دیموكراتا كوردستانێ و ئێكهتیا ئافرهتێن كوردستانێ” پشكداری د كۆنفرانسێ نێڤدەولەتی یێ ئاسیا دا كرییه” بۆ ئاژانسا خانی دیار كر: د وی كۆنفرانسی دا مه دو گۆتار پیشكێش كرن” گۆتارا ئێكهتییا لاوێن دیموكراتا كوردستانێ ژ لایێ كهژان محهمهد” كارگێرا مهكتهبا سكرتارییهتا لاوان و بهرپرسا پهیوهندییان هاته خواندن” گۆتارا ئێكهتییا ئافرهتان ژی ژ لایێ ناسك سهعید ڤه بهرپرسا راگەهاندن و پەیوەندی یێن ئێكهتییا ئافرەتێن کوردستانێ ڤه هاته پێشكێش كرن.
ناڤهاتی گۆت ژی” پرانییا وهلاتێن كیشوهرێ ئاسیا پشكداری د وی كۆنفرانسی دا كرییه” مه ژی ب ئالایێ كوردستانێ پشكداری د کۆنفرانسێ شهشێ یێ لاوێن پارتێن سیاسی و کۆنفرانسێ حهفتێ یێ ئافرەتێن پارتێن سیاسی ل کۆنفرانسێ نێڤدەولەتی یێ ئاسییا (ICAPP) دا كرییه، كو ل وهلاتێ مەنگۆلییا، بە پشكدارییا 14 وهلات و 18 پارتێن سیاسی هاته ساز كرن.
هێشتا دبێژیت” (ICAPP) ل سالا 2000 ێ ل وهلاتێ فلیپین هاتییه دامهزراندن” بۆ هندێ لێك نێزیكبوونهك دناڤبهرا پارتێن سیاسی یێن وان وهلاتان دا پهیدا ببیت” د ئالییێ سیاسی و كلتۆری و جڤاكی و بازرگانی دا” چهندین پشك تێدا ههنه” وهكو پشكێن بازرگانی و لاوان و ئافرهتان و ئێمناهییێ و پارتێن سیاسی” د ئهڤ ساله دا لایهنێ لاوان و ئافرهتان ههبوویه و پارتی دیموكراتی كوردستان ئهندامه د (ICAPP) ێ دا” مه ژی وهكو ئێكهتییا لاوێن دیموكراتا كوردستانێ و ئێكهتییا ئافرهتێن كوردستانێ پشكداری د وی كۆنفرانسێ نێڤدهولهتی دا كرییه و ئهو كۆنفرانسه ههردو سالان جارهكێ ل وهلاتێ دهێته بهستن” ئهم شییاینه پهیوهندی یێن ب هێز ل گهل وهلاتێن پشكدار د وی كۆنفرانسی گرێ بدهین و د داهاتی دا ئهم دێ شێین كارێن باشتر ئهنجام دهین.
