بەرپرسەکێ پارتی: پێدڤییە هێزێن پێشمەرگەیی ڤەگەرنه‌ڤه‌‌ کەرکووکێ

ئاژانسا خانی” تایبەت:

بەرپرسەکێ پارتی دیموکراتی کوردستان ئاشکرا کر، پارتی یا رژدە ل سەر ڤەگەڕیانا ھێزێن پێشمەرگەیی بۆ کەرکووکێ و بێی ڤەگەڕیانا پێشمەرگەیی رەوشا کەرکووکێ ئاسایی نابیت.

محەمەد کەمال، بەرپرسێ لقێ پارتی ل کەرکووکێ بۆ ئاژانسا خانی دیارکر” بڕیاربوو ھێزێن پێشمەرگەیی ڤەگەڕنه‌ڤه‌ کەرکووکێ و لدووڤ رێکكەفتنا ھاتییە کرن ئەو جھێن ڤالاھییا ئەمنی تێدا ھەیی ب ھەڤپشكی ژلایێ ھێزێن پێشمەرگەیی و سوپایێ عێراقێ بھێنە پر کرن و لیوایەکا ھەڤپشك ژی ھاتییە پێکئینان بۆ دەڤەرێن کوردستانی یێن دەرڤەیی ئیدارا حوکمەتا ھەرێما کوردستانێ.

ناڤهاتی گۆت ژی” مەرجە بۆ ئاساییکرنا رەوشا کەرکووکێ ھێزێن پێشمەرگەیی ڤەگەڕن، چونکی ھەتا پێشمەرگەیی نەھێنە ڤەگەڕاندن گومان تێدا نینە رەوشا کەرکووکێ ئاسایی نابیت و دێ ھەر یا ئالۆز بیت، پارتی بەردەوام پێداگیری ل سەر ڤەگەڕیانا ھێزێن پێشمەرگەیی کرییە بۆ کەرکووکێ، چونکی رەوشا وان دەڤەران رۆژ بۆ رۆژێ بەرەف ئالۆزییان دچیت” ئەڤە د دەمەکی دایە ئەم یێ بەرەف ھەلبژارتنان دچین.