رێڤه‌به‌رییا گشتى بۆ كاروبارێن مادده‌یێن بێهۆشكه‌ر یێن عیراقێ ب هاریكارییا به‌رهنگاربوونا مادده‌یێن بێهۆشكه‌ر یێن هه‌رێما كوردستانێ، هه‌لوه‌شاندنا مه‌زنترین تۆرا مادده‌یێن بێهۆشكه‌ر ل عیراقێ و ده‌ست ب سه‌رداگرتنا 500 كیلۆگرامێن مادده‌یێن بێهۆشكه‌ر راگه‌هاند.
رێڤه‌به‌رییا گشتى بۆ كاروبارێن مادده‌یێن بێهۆشكه‌ر دراگه‌هاندنه‌كێدا دیاركر، مه‌فره‌زه‌یێن وان دماوێ 72 ده‌مژمێراندا ئۆپه‌راسیۆنه‌كا ئه‌منییا مه‌زن ب هه‌ماهه‌نگى و پشكداریكرن دگه‌ل كۆنترۆلا مادده‌یێن بێهۆشكه‌ر یێن هه‌رێما كوردستانێ كر، كو دیارترین تۆرا بازرگانیكرنێ ب مادده‌یێن پێهۆشكه‌ر هاته هه‌لوه‌شاندن.
رێڤه‌به‌رییێ ئاماژه ب هندێ دا، ئه‌ڤ تۆره دابینكه‌ر و هنارده‌كرنا سه‌ره‌كییا مادده‌یێن بێهۆشكه‌ره ل عیراقێ، كو حه‌بێن كاپتاگۆن یێن مادده‌یێن بێهۆشكه‌ر و تاوانێن وان هه‌تا ناڤه‌راست و باشوور و رۆژئاڤایێ وه‌لاتى دبرن.
ئاشكرا ژى كر، تۆر ژ هه‌شت كه‌سان پێكهاتییه، سه‌رۆكێ باندى ژى د ناڤدایه، ئه‌و ب تمامى هاتینه ده‌سته‌سه‌ركرن و دان ب هندێ دا كو مادده‌یێن بێهۆشكه‌ر ل چه‌ند ده‌ڤه‌ران هه‌لگرتینه، كو به‌هرا پتر یا وان جهان د سه‌خته‌بوون و دبن ئه‌ردی و ده‌رگه‌هێن ڤه‌شارتیدابوون.
گوت ژى: پشتى پشكنینێن سه‌ره‌كى، ده‌ست ب سه‌ر ( 450 ) كیلۆیێن حه‌بێن كاپتاگۆن یێن مادده‌یێن بێهۆشكه‌ر و 50 كیلۆگرامێن تلیاكیدا هاته گرتن، هه‌روه‌سا تومه‌تبار ب تاوانا بازرگانیكرنێ ب مادده‌یێن بهێۆشكه‌ر هاتینه ده‌سته‌سه‌ركرن و دێ سزایێ قانوونى وه‌رگرن.
