سه‌رۆكاتییا داواكارییا گشتىیا هه‌رێما كوردستانێ داخوازا راده‌ستكرنا وه‌هاب هه‌له‌بجه‌یى دكه‌ت و ل هه‌مبه‌رى دادگه‌هێ دێ رێكارێن قانوونى هه‌مبه‌رى وى گرنه به‌ر.
ئه‌ڤرۆ چارشه‌مبی 9 ی ته‌باخا 2023 ێ” سه‌رۆكاتییا داواكارییا گشتییا هه‌رێما كوردسانێ دیار كر، ئه‌ڤه ده‌مه‌كه ل سنوورێ ده‌ڤه‌را سلێمانییێ ب كارئینانا سازی یێن ئێمناهییێ بۆ ئێكلاكرنا كێشه و ناكۆكیێن ناڤخۆ و حزبى و كه‌سى رۆژ بۆ رۆژێ زێده دبن و داخوازا راده‌ستكرنا تۆمه‌تباران دكه‌ت و د ناڤا وان دا ناڤێ وه‌هاب هه‌له‌بجه‌یى، سه‌رۆكێ ده‌زگه‌هێ دژه تیرۆرا سلێمانییێ هه‌یه.
سه‌رۆكاتیا داواكارییا گشتى د راگه‌هاندنه‌كێ دا كو وێنه‌كێ بریارا راگرتنا وه‌هاب هه‌له‌بجه‌یى ل گه‌له و نڤێسایه هنده‌ك تۆمه‌تبارێن داخواز كرى ژ ئالییێ دادگه‌هێ ڤه هه‌نه پێدڤییه ب قانوونێ بهێنه راده‌ستكرن و ل هه‌مبه‌رى دادوه‌رى ئاماده بن داكو دادگه‌هـ رێكارێن خۆ یێن قانوونى هه‌مبه‌رى وان بگریته به‌ر.
ئه‌و ژی گۆتییه، ئامه‌ده‌نه‌بوون ل هه‌مبه‌رى دادوه‌رى و پشتگوهخستنا داخوازییا دادگه‌هێ و راده‌ستنه‌كرنا داخوازكرى لدووڤ قانوونێ ده‌لیڤه‌‌كا زێده‌تر دده‌ته وان تۆمه‌تباران یێن په‌نایێ بۆ كارێن نه‌دروست دبه‌ن و حاله‌تێن تیرۆرێ و كوشتنێ و ره‌ڤاندنێ ل سه‌ر ده‌ستێ وان به‌ر ب زێده‌بوونێ ڤه دچن.
