مەسرور بارزانی بڕیار ل سەر مەزاختنا کۆژمێ شەش ملیار دیناران ژ بۆ دروستکرنا 348 پولێن خواندنێ دا

وەزارەتا پەروەردێ یا حکومەتا هەرێما کوردستانێ ڕادگەهینیت، ب بڕیارا مەسرور بارزانی، سەرۆکێ حکومەتا هەرێما کوردستانێ، 348 پولێن خواندنێ ل سەرانسەری پارێزگەهــ و ئیدارەیێن سەربەخۆ یێن هەرێما کوردستانێ دێ هێنە دروستکرن.

وه‌زاره‌تا په‌روه‌ردێ یا حكومه‌تا هه‌رێما كوردستان ێ ڕاگەهاندنەک بەلاڤکریە و تێدا هاتیە، مەسرور بارزانی، سەرۆکێ حکومەتا هەرێما کوردستانێ، بڕیار دا ب مەزاختنا کۆژمێ شەش ملیار دیناران ب مەرەما دروستکرنا(348) پولێن خواندنێ بۆ قوتابخانان ل گشت پارێزگەهـ و ئیدارەیێن سەربەخۆ.

هەروەسا وەزارەتا پەروەردێ دیارکریە ژی، د کابینەیا نەهێ یا حکومەتا هەرێما کوردستانێ دا 452 ژورێن نوو یێن خواندنێ هاتینە دروستکرن، ئەو مەزاختیێ نوو ژی بۆ 348 ژوورێن دی یێن خواندنێ نە د چوارچووڤێ پلانا بەرفرەهکرنا ژێرخانا پەروەردەی دا.