<h3 style="text-align: justify;"><span style="font-size: 18pt;">وهزارهتا پێشمهرگهى راگههاند، سێ لیوایێن دى یێن یهكهیا 70ێ بۆ سهر میلاكی وهزارهتا پێشمهرگهى هاتنه ڤهگۆهاستن، رێڤهبهرێ راگههاندنا وهزارهتێ ژى دبێژیت : ل ڤان نێزیكان چهند لیوایێن دى ژى دێ بۆ سهر میلاكێ وهزارهتێ هێنه ڤهگۆهاستن.</span></h3> <h3 style="text-align: justify;"><span style="font-size: 18pt;">عهمید عوسمان محهمهد رێڤهبهرێ گشتییێ راگههاندن و هووشیارییا نیشتیمانى ل وهزارهتا پێشمهرگهى دیاركر، ژ چارچووڤێ بجهئینانا پرۆژهقانوونا چاكسازى و ئێكخستنا هێزێن پێشمهرگهى، ب فهرمانا مهسرور بارزانى سهرۆكێ حكومهتا ههرێما كوردستانێ سێ لیوا ژ فهرماندهیا یهكهیا 70ێ بۆ سهر میلاكێ وهزارهتا پێشمهرگهى هاتنه ڤهگۆهاستن ئهوژى لیوایێن 28،26 و 30ن.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن رێڤهبهرێ گشتییێ راگههاندنێ ل وهزارهتا پێشمهرگهى، ئهو سێ لیوایێن كهڤتینه سهر میلاكێ وهزارهتا پێشمهرگهى ل رۆژا دهركهڤتنا فهرمانێ هاتینه ڤهگۆهاستن، بریار چوویه دبوارێ بجهئینانێدا، ههر لیوایهك ژ وان ژ دوو هزار پێشمهرگهیان پێك دهێت.</span></h3>
