وه‌زاره‌تا ئاڤه‌دانكرنێ : زێده‌تر ژ 26 هزار خێزانان فۆرما كرێچییان پركرییه‌

په‌یڤدارێ وه‌زاره‌تا ئاڤه‌دانكرن و ئاكنجیكرنێ ل هه‌رێما كوردستانێ دبێژیت : لینكێ پركرنا فۆرما نه‌هـ هزار یه‌كه‌یێن ئاكنجیكرنێ چ ئاریشه‌ تێدا نینن و كار دكه‌ت، لێ داخوازاییه‌كا گه‌له‌ك مه‌زن ل سه‌ره‌ ژبه‌ر هندێ ل ده‌ڤ هنده‌ك كه‌سان كار ناكه‌ت.

مه‌ریوان حه‌سه‌ن په‌یڤدارێ وه‌زاره‌تا ئاڤه‌دانكرن و ئاكنجیكرنێ ل حكومه‌تا هه‌رێما كوردستانێ راگه‌هاند، ژ پشتى نیڤرۆ یا رۆژا سێشه‌مبى هه‌تا نوكه‌ 26 هزار و 499 خێزانان خوه‌ تۆماركرییه‌، داخوازه‌كا گه‌له‌ك مه‌زن ل سه‌ر وی لینكییه‌ یێ كو ژلایێ وانڤه‌ هاتییه‌ به‌لاڤكرن، له‌وما پشكه‌كا مه‌زن یا وه‌لاتییا نه‌شێن ئه‌وى لینكى ڤه‌كه‌ن و فۆرمێ پر بكه‌ن.

په‌یڤدارێ وه‌زاره‌تا ئاڤه‌دانكرنێ دبێژیت : وه‌لاتییان 110 رۆژ بۆ پركرنا فۆرمێ هه‌نه‌، له‌وما دشێن ل سه‌ر خۆبن و بێى له‌زكرن فۆرمێ پر بكه‌ن، پێدڤییه‌ فۆرمێ ب هووشیارى پر بكه‌ن، بۆ هندێ ژى داكو پشت راستبن كو چ شاشی د پركرنا فۆرمێدا نه‌كرینه‌، دشێن سه‌ره‌دانا په‌یجێ وه‌زاره‌تا ئاڤه‌دانكرنێ بكه‌ن و ل وێرێ ب رێكا كورته‌ ڤیدیۆیه‌كێ هه‌موو زانیارییان ل سه‌ر پركرنا فۆرمێ وه‌ربگرن.

مه‌ریوان حه‌سه‌نى ئاشكراكر، ئه‌و كه‌سێ فۆرمه‌ ب دروستى پركرى، كۆده‌ك دێ بۆ چیت.