ئاژانسا خانی:
ئەڤرۆ شه‌مبییێ 12 ی ته‌باخا 2023 ێ” دووماهی رۆژا نووکرنا تۆمارا دەنگدەران بوو بۆ هەلبژارتنێن جڤاتێن پارێزگه‌هێن عێراقێ” سوبه‌هی ئێكشه‌مبی” بۆ ده‌مێ هه‌یڤه‌كێ دێ تۆمارا دەنگدەران بۆ هەلبژارتنێن پەرلەمانێ کوردستانێ هێنه نووكرن.
خالد عه‌باس، بەرپرسێ نڤێسینگەها دهۆكێ یا کۆمیسیۆنا بلندا سەربەخۆیا هەلبژارتنێن عیراقێ بۆ ئاژانسا خانی گۆت: ئەڤرۆ دووماهی رۆژا نووکرنا تۆمارا دەنگدەران بوو” بۆ هەلبژارتنێن جڤاتێن پارێزگه‌هێن عێراقێ و ئەڤرۆ بەغدا ئه‌و هایدار كرینه” كو ژ سوبه‌هی وێڤه بۆ ماوێ هه‌یڤه‌كێ دێ نووکرنا تۆمارا دەنگدەران دەست پێکه‌ت کو دێ یا تایبەت بیت ب پارێزگه‌هێن هەرێما کوردستانێ.
ناڤهاتی گۆت ژی: نوكه نووكرنا تۆمارا بایۆمه‌تری ل هه‌موو عیراقێ راوه‌ستییایه و ب تنێ ل هه‌رێما كوردستانێ بۆ ده‌مێ هه‌یڤه‌كێ هاته دریژ كرن و هه‌ر ژ سوبه‌هی ئیكشه‌مبی دێ ده‌ست پێكه‌ت هه‌تا 12 ی هه‌یڤا ئیلۆنێ” ئه‌ڤ نووكرنا تۆمارا ده‌نگده‌ران به‌رهه‌ڤینه بۆ ئه‌نجامدانا هه‌لبژارتنێن په‌رله‌مانێ كوردستانێ” دیسان ژ دایك بوویێن سالا 2006 ێ ژی دێ هێنه تۆمار كرن” ل چه‌ند رۆژێن بهێن دێ ناڤێن وان ژی هێنه تۆمار كرن” هه‌روه‌سا ل پارێزگه‌ها دهۆكێ 887 هزار و 110 ده‌نگده‌ر هه‌نه.
