ل ئاکرێ جاددەیێن ناڤخۆ دهێنە قێرکرن

ل سنوورێ باژێرڤانیا ئاکرێ کار لسەر قێرکرنا هژمارەکا جادێن ناڤخووی هاتەکرن.

بلند رزا زبێر، سەروکێ باژێرڤانیا ئاکرێ بۆ ئاژانسا خانی گۆت:” ئەڤرۆ جاددەیێن دەڤەرا کارگەهێن سڤک ل بەرامبەر ترافیکا سوسنا نزیک ویستگەها کارەبێ هاتنە قێرکرن، دگەل جاددەیێن کارگەهێت ئار و بەفرێ.”

ئاماژە کر ژی، ل ڤان رۆژان قێرکرنا هژمارکا جاددان ژبۆ چەند قوتابخانا و مزگەفتا ل سنوورێ باژێرڤانیا ئاکرێ دهێنە قێرکرن ژوانا ژی ( جاددا قوتابخانا ئامادەیی و مزگەفتا خێلا ل تاخێ سوسنا ، جاددا مزگەفت و قوتابخانا گوندێ رەزوک ، رێکا قوتابخانا زەلال و مزگەفتا شێخ ئەحمەد سورجی ل تاخێ رۆناهی ، رێکا قوتابخانا تاخێ کوردستان ) دگەل گرێدانا گەرەکا شەهیدان ( فەوجێ ) و جووت سایدێ سەرەکی نزیک هولا کونفرانسان هەمی دێ هێنە قێرکرن.

 دیارکرژی، ئەڤ پرۆژە ل ئاکرێ ب کوژمێ ( 2ملیار و 132ملیون دیناران ) کار لسەر دهێنەکرن، لسەر پلانا تایبەتا سالا 2022 یا پارێزگەها دهوکێ.