حەسەن فەتاح، پەیڤدارێ رێڤەبەریا گشتی یا ڕەوشەنبیری و هونەری ل پارێزگەها دهۆکێ بۆ ئاژانسا خانی گۆت:” مە ل تورێن جڤاکی زانیە کو دیلان تاتلیسس کچا هونەرمەندێ ب ناڤۆدەنگ ئیراهیم تاتلیسسی، دێ ل باژێرێ دهۆکێ ئاهەنکەکێ گێریت و ئەم ئاگەهداری چ ئاهەنگان نینین.”
پەیڤدارێ ڕێڤەبەریا گشتی یا ڕەوشەنبیری دیارکر ژی،”دبیت ئەو ئاهەنگ یا کەرتێ تایبەت یان کارەکێ بازرگانی بیت، د رێکخستنا ڤان جۆرە کۆنسێرتاندا زێدەتر کارێ دیڤچوونێ بۆ سەندیکا هونەرمەندان و رێڤەبەریا گشتی یا گەشتوگۆزارێ دزڤریت، وەکو رێڤەبەریا گشتی یا ڕەوشەنبیری و هونەری ئەم زێدەتر گرنگیێ ب مروڤسازی و ڕەوشەنبیریا گشتی و چاندو کەلتوورێ مللەتێ خۆ ددەین.”
