سه‌رۆكێ حكومه‌تا هه‌رێما كوردستانێ پێشوازى ل بالیۆزێ كه‌نه‌دا ل عیراقێ كر

مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل گریگۆرى گالیگان بالیۆزێ كه‌نه‌دا ل عیراقێ كر كو ب هه‌لكه‌ڤتا ب دووماهى هاتنا ئه‌ركێ خوه‌ سه‌ره‌دانا سه‌رۆكێ حكومه‌تێ كربوو.

سه‌رۆكێ حكومه‌تێ سوپاسییا بالیۆزێ كه‌نه‌دا كر بۆ كاركرن و بزاڤێن وى ژ پێخه‌مه‌ت پێشڤه‌برنا په‌یوه‌ندییێن هه‌رێما كوردستانێ، هیڤییا سه‌ركه‌ڤتنێ د ئه‌ركێن بهێن دا بۆ خواست.

بالیۆزێ كه‌نه‌دا پێزانینێن خوه‌ بۆ هه‌ماهه‌نگى و هاریكارییا حكومه‌تا هه‌رێما كوردستانێ دگه‌ل بالیۆزخانه‌یا وه‌لاتێ خوه‌ ده‌ربرین.

گرنگییا كرنا هه‌لبژارتنێن په‌رله‌مانێ كوردستانێ د ده‌مێ دیاركریدا، چاره‌سه‌ركرنا ئاریشه‌یێن هه‌رێمێ و حكومه‌تا فیدرال و به‌رده‌ستكرنا مافێن ده‌ستوورییێن خه‌لكێ كوردستانێ پشكه‌كا دییا دیدارێ بوون، كو تامى ئامیز رێڤه‌به‌رێ نڤبسینگه‌ها بالیۆزخانه‌یا كه‌نه‌دا ل هه‌ولێرێ د وێ كۆمبوونێدا یێ به‌رهه‌ڤبوو.