ژێدەرەکێ بسپۆر دا دیارکرن ئەو بۆمبێن ل گوندێ گوهەرزێ و دەردورێن وێ پەقین، نەیێن چەکێ دورهاڤێژن.
شڤێدی ل دەمژمێر 7:38 خولەك ناڤەندا گوندێ گوهەرزێ ب گولەیەکا موشەکێ هاتە ئارمانجکرن، ئەڤە بۆ چەندین جاران ئەڤ پەقاندنە ل گوندێن دەڤەرا نهێلێ روو د دەن، و موشەکەك ئاراستەی گوندی کرینە و ب مالان کەفتینە، دڤان بوویەراندا ل دووف راپۆرت و ڤەدیتنا بسپۆر و شارەزایێن تەقەمەنی و چەکی، ژێدەرێ وان موشەکان ئێك جورێ چەکییە کو نیشانشکێنا mk11mod0 کو تڤەنگەکا گهلهك پێشکەفتییە و موشەك ژی پێ دهێنە هاڤێتن.
وى ژێدهرى ئاشكرا ژى كر، ل جهێن پەقینا وان موشەکان و پاشمایێن وان دیاردبیت ئەو پەقینه نە ژ تۆپ و موشهکێن دوورهاڤێژیان ژی ژ درون و فرۆکان بیت، بەلکو ب دەستێ وان چەکدارێن خوه ل دەردورێن وان گوندان سەپاندین (پکک) دهێنە ئاراستە کرن و مەرەم ژێ ترساندن و توقاندنا خەلکێ وان گوندانە، هەروەسا چەواشهکرنا دەزگەهێن راگەهاندن و رەئیا گشتییا خەلکێ کوردستانێ یە ب مەرهما پەردەپووشکرنا کریارێن خوه یێن نەرەوا.
