وه‌زیرێ ده‌رڤه یێ عیراقێ و بالیۆزا ئه‌مریكا ل عیراقێ گوتوبێژا په‌یوه‌ندییێن به‌غدا و واشنتۆن و چاره‌نڤیسێ ئاواره‌یێن كه‌مپا هۆل و دووماهى دانوستاندنێن وه‌زاره‌تا به‌رگرییا عیراقێ و پێنتاگۆنێ كر.
ل دووڤ راگه‌هاندنه‌كا وه‌زاره‌تا ده‌رڤه یا عیراقێ فوئاد حسێن سه‌رۆكوه‌زیرێن ده‌رڤه یێ عیراقێ پێشوازى ل ئالینا رۆمانووسكى بالیۆزا ئه‌مریكا ل عیراقێ كر و دانوستاندن ل دۆر په‌یوه‌ندییێن هه‌ردوو وه‌لاتان كر.
راگه‌هاندنێ دیاركر، د كۆمبوونێدا گوتوبێژا په‌یوه‌ندییان و بزاڤكرن بۆ زێده‌تر پێشڤه‌برنا وان ل دووڤ به‌رژه‌وه‌ندییێن هه‌ردوو لایان هاته‌كرن،هه‌روه‌سا دانوستاندن ده‌رباره كه‌یسا ڤه‌گه‌راندنا عیراقییێن كه‌مپا هۆل و ره‌وشا ده‌ڤه‌رێ هاته‌كرن.
ژلایێ خۆڤه بالیۆزا ئه‌مریكا ل عیراقێ ئه‌نجامێن سه‌ره‌دانا شاندێن سه‌ربازى و ئه‌منى ب سه‌رۆكایه‌تییا وه‌زیرێ به‌رگرییا عیراقێ بۆ واشتنێ روونكرن و به‌حس ل هندێ كر كو دوێ سه‌ره‌دانێدا دانوستاندنێن ئه‌رێنى ل دوور پاشه‌رۆژا په‌یوه‌ندییێن هه‌ردوو لایان هه‌بوون.
ئالینا رۆمانووسكى دووپاتى ل به‌رده‌وامییا پشته‌ڤانییێن حكومه‌تا وه‌لاتێ خوه بۆ هێزێن چه‌كدارێن عیراقێ ل رووبرووبوونا داعشێ دووپاتكر.
