گوهدار شێخۆ، سه‌رپه‌رشتیارێ ئیدارا سه‌ربه‌خۆیا زاخۆ سەبارەت پرۆژێ گەشتیارییێ کۆرینشێ دەلال، گۆت: پرۆژێ کۆرنیشێ زاخۆ، پرۆژەكێ گرنگ و ستراتیژییە و سەرۆک وەزیرێن هەرێما کوردستانێ بەردەوام ل سەر خەت بوویە” كو ئه‌و پرۆژه بهێته ته‌مام كرن.
ناڤهاتی د گۆتاره‌كێ دا د رێوره‌سمێن ڤه‌کرنا پرۆژێ گەشتیارییێ کۆرنیشێ دەلال گۆت، ئەڤرۆ رۆژه‌كا پیرۆز و مێژووییە بۆ دەڤەره‌كا گرنگ ل سەر نەخشەیێ هەرێما کوردستانێ، دەڤەره‌كا کوردپەروەر و شەهیدپەروەر.
هه‌روه‌سا کابینا نه‌هێ یا حکومەتا هەرێما کوردستانێ ب سەرۆکاتییا مەسرور بارزانی، کارنامەكا رێکوپێک دارێژتییە و د چارچۆڤێ وێ کارنامێ دا خزمەتا هەموو وه‌لاتی یێن هەرێما کوردستانێ کرییە.
دیسان د هه‌یاما کابینا نه‌هێ دا، ب پشته‌ڤانییا سەرۆک وەزیرێن هەرێما کوردستانێ، 170 پرۆژێن جۆدا ل سێکتەرێن خزمەتگوزارییا گشتی، ساخله‌می، ئاڤ، کارەبا، پەروەرد و رێك و پران هاتینه بجهئینان.
پڕۆژێ گەشتیارییێ کۆرنیشا دەلال ل زاخۆ، ب كوژمێ 11 ملیار و 500 ملیۆن دیناران ژ لایێ حکومەتا هەرێما کوردستانێ هاتییه دروستکرن، درێژاهییا وی پرۆژەیی 1500 مەترن ل هەردو ره‌خێن رووبارێ خابیری، د وی پرۆژەیی دا بەنداڤه‌ك ب درێژاهییا 73 مەتران و ب بلنداهییا 3.5 مەتران هاتییه دروستکرن.ش
