ئاژانسا خانی” تایبەت:
بڕیارە سوبەھی ئەینییێ ب ھزاران وەلاتییێن شیعە مەزھەب ژ وەلاتێ ئیرانێ بگەھنە ھەرێما کوردستانێ ب مەرەما پشکدارسیێ د چلەیا ئیمام حسێنی دا ل باژێڕێ کەربەلا” پەیڤدارێ ئیدارا سەربه‌خۆیا سۆران ژی دبێژیت، ھەموو بەرھەڤی بۆ پێشوازییا زیارەتکارێن شیعی ھاتییە کرن.
ھەژار حەکیم، پەیڤدارێ ئیدارا سەربه‌خۆیا سۆران” بۆ ئاژانسا خانی دیارکر” بڕیارە سوبەھی ئەینییێ پرۆسا ھاتنا زیارەتکارێن شیعی بۆ ھەرێما کوردستانێ بھێتە دەستپێکرن و ب رێیا کۆمەلگەھا نێڤدەولەتیا حاجی ئومەران ب دەھان ھزار زیارەتکارێن شیعی ژ پێنج پارێزگەھێن ئیرانێ دێ گەھنە ھەرێما کوردستانێ و لدووڤدا دێ بەرەف باژێرێ بەغدا ڤه‌چن ب مەرەما پشکدارییێ د چلەیا ئیمام حسێنی دا ل باژێرێ کەربەلا، پێشبینی دھێتە کرن د دەمێ چەند رۆژان دا ٥٠٠ ھزار شیعە مەزھەب ل ئیرانێ بگەھنە ھەرێما کوردستانێ.
ناڤهاتی گۆت ژی” ھەموو بەرھەڤی بۆ پێشوازییا زیارەتکارێن شیعە ھاتینە کرن و کۆمبوونەکا بەرفرەھ ژی دگەل لایەنێن پەیوەندیدار ھاتییە کرن، کو سوبه‌هی ئەینییێ د بەرھەڤبن بۆ پێشوازییا زیارەتکاران و فەرمانگەھێن پەیوەندیدار دێ ھەموو ئاسانکارییەکێ بۆ زیارەتکاران کەن ھەر ل دەمێ دگەھنە ناڤا ئاخا ھەرێمێ ھەتا دگەھنە دووماھی سنوورێ عێراقێ ھەتا ژلایێ ئەمنی ڤە ژی رێک ھاتینە کۆنتڕۆل کرن.
