فهرمانگهها میدیا و زانیارییان یا حكومهتا ههرێما كوردستانێ راگههاند، ل دهستپێكا ههیڤا ئهیلولا بهێت دهواما فهرمییا زانكۆ و پهیمانگههان ل سهرانسهرى ههرێما كوردستانێ دێ دهستپێكهت.
فهرمانگهها میدیا و زانیارییان یا حكومهتا ههرێما كوردستانێ دیاركر، بهرههڤییێن وهزارهتا خواندنا بلند و ڤهكۆلینێن زانستى بۆ پێشوازیكرنا سالا نوو یا خواندنێ ( 2023 – 2024 )ێ دهستپێكرینه، پرۆسهیا خواندنێ ل زانكۆ و پهیمانگههێن ههرێما كوردستانێ دێ ژ ئێكى ئهیلولا 2023ێ ( 1-9-2023 )ێ ل دووڤ سالنامهیا زانكۆیان و ب پلان و بهرنامهیێن دارێشتى دهستپێكهت.
ئاماژه ب هندێ دا، ل ههرێما كوردستانێ ههتا نوكه 18 زانكۆ و 17 لقه زانكۆیێن تایبهت و 12 پهیمانگههێن جۆرهوجۆر ل باژێر و باژێركێن جۆدا یێن ههرێما كوردستانێ ههنه، سالانه ب هزاران قوتابى ژ ئاست و قووناغێن جۆدا یێن خواندنێ ب خۆڤهدگرن.
