وەزیرێ نەفتا عێراقێ و وەزیرێ وزە و سامانێن سرووشتی یێن تورکیا کۆمبوون و ته‌كه‌زی ل سەر هنارتنا نەفتا هەرێما کوردستانێ کر.
ئەڤڕۆ سێشەمبی 22 ی ته‌باخا 2023 ێ، وەزارەتا نەفتا عێراقێ گۆت، “ئەڤڕۆ حەیان عەبدولغەنی، وەزیرێ نەفتا عێراقێ ل ئەنقەرە، ل گەل ئەلپ ئارسلان بایره‌كدار، وەزیرێ وزە و سامانێن سرووشتی یێ تورکیا کۆمبوویە”.
هەردو ئالییان ته‌كه‌زی ل سه‌ر هنارتنا نەفتا هەرێما کوردستانێ کرییە، پشتی تەمامبوونا پرۆسا نووژەنکرن و پشکنینا پێدڤی بۆ بۆرییێن نەفتێ، کو ب ئه‌گه‌رێ ئه‌ردهه‌ژا شواتێ زیان گه‌هشتییێ.
هه‌روه‌سا” وەزیرێ نەفتا عێراقێ و وەزیرێ وزە و سامانێن سرووشتی یێ تورکیا ته‌كه‌زی ل سه‌ر ” هاریکارییا هه‌ڤپشك د بیاڤێ وزە، نەفت، گاز و کارەبێ دا” کرییە.
